Wir Nyclas Eylnner der Richter heinzman Pusch vnd Peter Beneschower zu den czeiten Scheppe
maystere. Jacob Perchschreiber Barthns Gewantsneyder frenzel Puchart heinzman vom Rosental. Hannus
Seydelman. henr(ic) Pruner vnd der Cristan Lynnat vnd gemaynlich die Scheppen zu den Kutten. Bekenne(n)
vnd tun kunt Allen den die nu sint ader her nach kunftik werden. dy dysen gegenwrtigen brief an sehn oder
horen lesen. Das die Erbern lewte Marquart Schicke frenzel seyn Bruder vnd lele ires bruder son von
Czaflabe Sint vor vns gestanden in vollem Rate vnd habn mit vordachten mute vnd mit gutem wyllen.
sich vorzigen An dem driteyl der vrtoz das das Ackerteyl ist genenet tzu den tzwen Gruben tzu dem Ros
mozt vnd tzu dem Golsmide genennet Auf dem Alden Newfange ligende vnd An all den lehen di zu den
Selben Czwen Gruben gehoren Auf dem gange. Alle des Rechten. ob sye keynerleye Recht dar tzu gehabt
hetten oder dar tzu gehaben mochten ymmer ewykleychen. Also das sye noch ir Erben nach ir nachkumlinge
Czu dem Selben Ackerteyl. keynerleye Ansprache nach kaynerhande Recht nymma mer gehaben noch
gewynnen Sullen ymmer ewykleychen. Diser sachen zu eynem ewigen getzeuknisse hab wir dysen brief
gegebn mit vnserm Ingesigel vorhantfester vnd vorsigelt. Das ist geschehn vnd dyser brief ist gegebn
nach gotes geburt Tausent vnd dreihundert Jar in dem fier vnd vierczegsten Jar An dem Neston
mitewochen nach sente Bartholomeus tag des heyligen Czwelfpoten .. ? .. ? .. ?