Phelippe par la grace de dieu duc de bourg(oingne) de loth(ier) de brabant et de lembourg Conte de flandres dartois de bourg(oingne) palatin de haynnau de hollande de zellande et de namur
Marquis du saint empire Seign(eu)r de frise de salins et de malines A tous ceulx qui ces p(rese)ntes l(ett)res verront salut Comme environ le mois doctobre lan mil Quatrecens
tante dame Elisabeth de gorlitz duchesse en baviere et de luxembourg Contesse de chiny n(ost)re tres chiere et tres amee belle tante la duchesse de luxembourg et contesse de chiny / belle my tante et nous de n(ost)re
quarantetrois der(renier) passe Nous estans et estans au lieu de thionville lez thionville ou pays de luxembourg auec n(ost)re d(ic)te belle tante la duchesse de luxembourg et contesse de chiny / belle my tante et nous de n(ost)re
elle et comme son mambour et gouu(er)neur dessu(s)d(it) Eussions illec mande et fait conuenir pluseurs des gens deglise de la cheualerie et deputez des bonnes Villes de son pays de luxembourg et de chiny la certame force
art a eulx assignez pour nous Receuoir et faire obeissan(ce) comme mambour dessu(s)d(it) Et aussi pour parler et communiquier auec eulx de son pays des autres affaires diceulx pays et mesmement pour aduiser s(ur)
la prouision p(ar) necessite / alencontre du conte de ghance(s) et de ses complices / gens et s(er)uiteurs des ducz de saxe lors ennemys et aduersaires formez de m(a) d(ic)te belle tante de nous et de sesd(is) pays / qui a lors
detenoyent et occupoyent les chastel et Ville de luxembourg et lad(ic)te Ville de thionville / et faisoyent iournelm(en)t guerre ouuerte a icelle m(a) tante / et a sesd(is) pays et subgez / et aussi pour de pluseurs desd(is) de la
cheualerie d(ic)te / qui par auant sestoient absentez et absentez pour m(a) d(ic)te tante / et nous alencontre de ceulx du parti desd(is) de saxe / tant par ouuertures de le(ur)s places et forteresses / fournissans ausd(is)
Villes de luxembourg et de thionville et autres lors occupees par iceulx de saxe / comme aultrement / ainsi qu(e) en tel cas app(ar)tient et qu(e) faire le deuoient / comme subgez de m(a) d(ic)te belle tante Et entre les autres
eussions mande venir et estre p(ar) deuers nous m(a) d(ic)te tante et nous / aud(it) lieu de thionville / s(ir)e Iehan noble de clemency / commandeur de la maison de Ritten / en l(or)dre de pruysse / et par led(it) ordre commis
a la garde de la p(ar)tie et moitie de la forteresse et place de cattenhem assise oud(it) pays de luxembourg app(ar)tenant au s(ir)e de pruysse / et a adam de daelhem escuier / par commis pour lautre partie de lad(ic)te forteresse / lors demour(ant)
en icelle Et pour ce que lad(ic)te forteresse et maison de cattenhem / estoit place assez fortiffiee et assise assez pres et en frontiere / tant de lad(ic)te Ville de luxembourg comme de lad(ic)te Ville de thionville / et tenoit en sub
de m(a) d(ic)te belle tante a cause de la duche dud(it) luxembourg et laquelle forteresse deuoit ouuerture pour m(a) d(ic)te belle tante et les siens / toutes les foiz qu(e) ilz la requeroient et que par ainsi lad(ic)te forteresse eust este
bien seante et conuenable a icelle m(a) tante et a nous pour y mettre garnison de noz gens de guerre / alencontre de ceulx du parti desd(is) de saxe / les emnemys et aduersaires les mien et d(ic)te pays / lors estans esd(ic)tes
Villes de luxembourg et de thionville et en aucuns aultres places alentour Eussions m(a) d(ic)te belle tante et nous requis led(it) s(ir)e Iehan noble de nous f(air)e ouuerture de sa moitie et p(ar)ti de la forteresse dud(it) cattenhe(m)
app(ar)ten(ant) aud(it) s(ir)e de pruysse Et led(it) s(ir)e Iehan eust p(ri)e et requis tresinstanment m(a) d(ic)te belle tante et nous de ce le vouloir supp(or)ter et tenir pour excuse en sauuant dud(it) ordre de pruysse / par lequel il y estoit
ordonne et commis Attendu qu(e) il estoit Religieulx et homme deglise et iusques a lors ne sestoit point mesle comme encores ne se vouloit mesler de la guerre pour lune partie ne pour laultre / Considerans mesmem(en)t
que ce p(ar)ti s(ir)e de pruysse de saxe led(it) ordre de pruysse auoit pluseurs beaulx et notables membres maisons / possessions / parquoy sil nous eust f(ai)t lad(ic)te ouuerture et y eust laissie entrer noz d(ic)tes gens et ainsi
se feust declare pour le p(ar)ti de m(a) d(ic)te belle tante et de nous et contraire au d(it) de saxe ce eust peu p(or)ter tresgrant p(re)iudice Interest et dommaige aud(it) ordre / Disant en oultre led(it) s(ir)e Iehan noble / que bien il vouloit
promettre comme de fait il asseura et promist par s(er)ement a m(a) d(ic)te belle tante et a nous / que lesd(is) de saxe il ne fauoriseroit en aucune maniere alencontre de nous / mais tellement il se s(er)oit et entretiendroit y g(ar)dant
la paix / p(ar) uiron d(ic)te de pruysse en la forteresse dud(it) cattenhem que grief dommaige ne Inconuenient aucun nen aduendroit a icelle m(a) tante ni a nous ne aussi a ceulx de n(ost)re p(ar)ti / dont nous ne feissons point
de doubte et moyenn(ant) ces d(ic)tes promesses eussions m(a) d(ic)te belle tante et nous supporte et tenu pour excuse led(it) s(ir)e Iehan de lad(ic)te ouuerture Et en a(ue)c eussions semblablement requis ouuerture / et obeissance dud(it)
adam de daelhem pour lautre moitie de la forteresse dud(it) cattenhem / que a lors il tenoit / a fin de y mettre de noz gens de guerre / laquelle chose led(it) adam soy mesmement confiant en la promesse que ainsi nous
auoit f(ai)te le deuantd(it) s(ir)e Iehan noble / ten(ant) lad(ic)te aultre moitie d(ic)te forteresse pour lesd(is) de pruysse / liberalment nous accorda et se Rendi a n(ost)re seruice / et offrit ouuerture de la moitie de lad(ic)te
forteresse quil tenoit en laquelle par n(ost)re ordonnan(ce) il mist certain nombre de compaignons de guerre noz souldoyers pour lui aidier a garder et deffendre lad(ic)te moitie / alencontre desd(is) de saxe
se pour le s(er)uice de m(a) d(ic)te belle tante et de nous et que ainsi led(it) adam sestoit declare pour n(ost)re p(ar)ti Ieulx de saxe eussent voulu faire aucune emp(ri)nse s(ur) lui et s(ur) sa p(ar)ti et porcion d(ic)te
forteresse Et aduenu depuis et assez tost apres que p(ar)tiens dud(it) flochennes / qui la forteresse dud(it) cattenhem a este p(ri)nse par ceulx du p(ar)ti desd(is) de saxe / qui y entrerent par la p(ar)tie de la
forteresse desd(is) de pruysse et auec dela forteresse d(ic)te de pruysse entrerent en la forteresse dud(it) adam / le p(ri)rent et emmenerent p(ri)sonnier / et auec de ses gens lors estans auecques lui / leur p(ri)rent cheuaulx
et rauyrent tous le(ur)s biens quilz auoient en icelle forteresse et apres bouterent le feu par tout en lad(ic)te forteresse et amenerent auecques eulx le deuant adam aud(it) lieu de luxembourg ou chastel dud(it)
luxembourg bien quant espace de temps en grant pourete et misere Et Iusques a ce que par layde n(ost)re a nous Remise et Reduite lad(ic)te Ville de luxembourg a lobeissance de m(a) d(ic)te tante et de nous /
Pourquoy Icellui adam de p(ri)s sa deliurance desd(is) p(ri)sons sest fort doulu et complainct enuers nous desd(is) de pruysse / disant et maintenant la p(ri)se de lui et de la forteresse dud(it) cattenhem auoir este
faicte et estre aduenue par la coulpe d(ic)te de pruysse et par leur faulte ou de le(ur)s gens Icanenant par ce estre par Iceulx de pruysse Restitue et Recompense et s(er)ui de tous le(ur)s pertes dommaiges
et Interestz par eulx euz et soustenuz par la p(ri)nse dicelle forteresse Attendu mesmement la promesse quainsi no(us) auoient f(ai)te lesd(is) de pruysse de bien garder le(ur)d(ic)te p(ar)ti et porcion et que dommaige ou
Inconuenient aucun nen aduendroit a m(a) d(ic)te belle tante a nous ne a ceulx de n(ost)re p(ar)ti comme dit est dessus laquelle d(ic)te p(ar)tie desd(is) de pruysse nauoit pas este entretente Pourquoy ceste chose venue a la
cognoissance desd(is) de pruysse et euls aduertiz de la poursuyte dud(it) adam et de sesd(is) gens alencontre deulx Est venu pardeue(r)s nous frere Iacob Remich Religieulx dud(it) ordre de pruysse et commandeur
de loriame lequel nous a bien confesse la Requeste par nous ainsi f(ai)te aud(it) frere Iehan noble pour auoir ouuerture de la forteresse dud(it) cattenhem et aussi la promesse dicellui messire Iehan noble telle q(ue) dessus
est recitee / mais pour Respondre a la p(ri)nse et d(e)mande dicellui adam et de ses consors et pour demonstrer lepurgacion desd(is) de pruysse du fait de la p(ri)nse dicelle forteresse Nous a dit et Remonstre comment ung
homme bartel son s(er)uit(eur) qui nestoit en Riens au s(ir)e de pruysse ne leur familier ou s(er)uiteur par droicte / auec aultres estans en lad(ic)te forteresse dont il estoit parent et affin se Retray en icelle forteresse
Et par nuyt trouua maniere de reelement embler les clefs des portes de la p(ar)cion d(ic)te de pruysse et desd(ic)tes clefs ouurit lesd(ic)tes portes et y fist / laissa entrer ceulx du p(ar)ti desd(is) de saxe et leur deliura lad(ic)te forteresse
mais ce auoit fait led(it) bartel sans le sceu adueu et consentement desd(is) de pruysse et de le(ur)s gens et s(er)uiteurs et sans leur coulpe / moien et a leur tresgrant dommaige et desplaysance Et que bien sauoient demonstrer
Iceulx de pruysse / p(ar)ce que apres le deppartement desd(is) de saxe de la forteresse dud(it) cattenhem Ilz auoient tant et telment poursuy led(it) bartel quil auoit este execute par Iustice au lieu de keyserslutter en alemaigne et
esquartele pour sa traison quil auoit f(ai)te de lad(ic)te forteresse lequel bartel a sa fin et par sa derreniere confession en auoit de tout point deschargie excuse et desculpe Iceulx de pruysse ensemble tous le(ur)s gens et s(er)uiteurs
et finantet quilz auoient auctantet en le au temps de lad(ic)te p(ri)nse comme apparut clerement par l(ett)res auec le seel Iure mis se disoit auoir s(ur) ce et lesquelz il a exhibee et p(ro)duitte pardeue(r)s nous Concluant p(ar)
Icellui frere Iacob lesd(is) de pruysse deuoit estre par ces choses bien excusez et deschargiez de la p(ri)nse et trayson de lad(ic)te forteresse et leur honneur en y estre garde et que par ainsi ilz sembloit ceulx de pruysse non estre
a riens tenuz de faire aucune Restitucion ou Recompensacion des pertes et dommaiges auenuz a cause et par le moien de lad(ic)te p(ri)nse Requerant ainsi par nous estre dit et declare Sauoir faisons que oyes
par nous et en n(ost)re conseil lesd(ic)tes p(ar)ties en tout ce que dune p(ar)t et daultre Ilz ont voulu dire alleguer p(ro)poser et mectre auant touchant ceste matiere a leffect de le(ur)s fins et Intencions et nous du tout bien Informe
tant par les l(ett)res qu(e) ont baillee et p(ro)duitte deuant no(us) q(ue) aultrement deuement Auons trouue que la forteresse dud(it) cattenhem a este p(ri)nse par lesd(is) de saxe par le fait et trayson dud(it) bartel / s(ur) lequel le(ur)
auoit ouuert lesd(ic)tes portes et y fait entrer Iceulx de saxe / celement et de nuyt et n(ost)re sceu ne trouuons point que lesd(is) de pruysse en ayent este en f(ai)t ou en Riens coulpables ne consentans ou auoir d(e) le(ur)s
gens familiers ou s(er)uiteurs / s(ur) que ce soit aduenu par leur fait ou moien Et pour ce tout bien considere / en tenons / Reputons pour bien deschargiez lesd(is) de pruysse et leur honneur / et que leur honneur ny est en
Riens bleschie / mais le tenons bien garde Et pour ce les en auons mis et mettons hors dud(it) p(ro)ces en tant quil touche et puet touchier leur honneur / Mais pour la Recompensacion de p(ar)tie des p(er)tes et dommaiges
aduenuz a nous et a ceulx de noz p(ar)ti par le fait de la p(ri)nse de la forteresse dud(it) cattenhem au contraire de la promesse a nous f(ai)te et s(ur) par led(it) frere Iehan noble p(ar)teuons lesd(is) de pruysse la somme de
quinzecens florins d(e) Rin dor pour vne foiz et a ce les condempnons Moyennant le payement de laquelle somme de quinzecens florins lesd(is) de pruysse s(er)ont / demouront quictes / paisibles de tous lesd(is)
dommaiges / Interestz / faiz / auenuz / a cause et par le moien de lad(ic)te p(ri)nse Non obstant que Iceulx dommaiges montent a plusgrant somme beaulcop / Et laquelle somme de quinzecens florins dor p(ar) nous
et par n(ost)re ordonnan(ce) baillie / distribuee aux p(er)sonnes et ainsi qu(e) bon nous semblera / et en oultre auons Impose silence a Icellui adam de daelhem et a ses consors et p(ro)ferez en la p(ri)nse
dud(it) s(ir)e Iehan noble de clemency / Iehan dud(it) ordre de pruysse et commandeur de loriame pour et ou nom de lad(ic)te Religion de pruysse dune p(ar)t et desd(is) adam de daelhem Iehan sarl de hulen et bernard de
boober pour eulx et le(ur)s compaignons daultrep(ar)t / lesquelz et ch(asc)un deulx leur ayans fait y contredire aultrement Si donnons en mandement a n(ost)re Iusticier et gouu(er)neur g(e)n(er)al esd(is) pays de
luxembourg et de chiny p(rese)nt et auenir A noz / p(re)uostz de luxembourg darlon et de thionville et a tous aultres Iusticiers officiers et subgez / quelzconques de m(a) d(ic)te belle tante et de no(us) en lesd(is) pays et Iurisdic(ti)on
ausquelz de noz p(rese)ntes et a ch(asc)un deulx / que ceste m(a) p(rese)nte declaracion auec tout le contenu et effect de ces p(rese)ntes Ilz et ch(asc)un deulx en droit soy / et si comme a lui app(ar)tiendra gardent obseruent et
entretiennent et facent bien et deuement et Inuiolablement garder obseruer et entretenir de point en point Sans Iamais y faire ou venir ny souffrir faire ou venir au contraire / en mectre ou donner
ny faire ou souffrir mectre ne donner ores ne pour le temps auenir / destourbier ou empeschement directem(en)t ne Indirectement en maniere quelzconque Cessans / touz barat et malengien Car
ainsi nous plaist il et le voulons estre fait En tesmoing de ce auons fait mectre n(ost)re seel a ces p(rese)ntes Donne en n(ost)re Ville de lille le xxviij(e) Iour de Iuillet lan de grace quatrecens
quarantequatre