Forschungskatalog

Urkunden erkunden

Beginnen Sie mit einer einfachen Suche. Verfeinern Sie erst, wenn die Forschungsfrage es erfordert.

R1_DIRECT

IlluminierteUrkunden|1330-06-12_Paris

Quelle: MonasteriumKI-PaläografieKI-Interpretation
Seite 1 / 4
IlluminierteUrkunden|1330-06-12_Paris, Seite 1
Ansicht
Transkriptiongemini-3.1-pro-preview
Ph(ilippe) par la grace de dieu Rois de france. A touz ceuls qui ces presentes lettres verront / Saluz. Come pluseurs descors feussent meuz entre n(ost)re ame et feal cousin
Jehan par la grace de dieu Roy de Bahaigne dune part / et n(ost)re ame et feal frere Edouart Conte de Bar dautre. Nous pour eschiuer les perils et domageus esclandres
qui en peussent nestre vousismes que iceles parties se souzmeissent du tout en tout a ce que nous en vouldriens ordener faire ou dire. Et pour ce iceles parties a n(ost)re requeste
et pour du tout obeir a n(ost)re volente ont voulu et promis par leurs fois / et par lettres seellees de leur seals / et donees de lune partie a lautre / tenir / garder fermement sanz venir
encontre n(ost)re dite ordenance / faite sur le dit descort / par la vertu de la quele submisssion / nous auons dit et disons / ordene et ordenons / que les dites parties / toutes haines
et rancunes que lune partie a eu vers lautre ou temps passe / pour quelque cause ou occasion que ce soit / pardonsent lun a lautre sanz porter mal talent lune a lautre / dore
en auant coment que ce soit / pour cause du dit descort. Jtem que chascune diceles parties rapelera et contremandera tost et hastiuement se ia fet ne la / touz les mande
menz faiz a leur amis pour aler lun contre lautre / soit tant pour euls / come pour touz autres / Et que touz les prisonniers qui sont pris / tant dune partie come dautre
seront desmaintenant deliurez tout franchement et a plain. Jtem nous par vertu de la dite submission auons ordene et ordenons / que nous enuoierons commissaires sages et
notables p(er)sones qui senfourmeront sur les excez Jniures violences et quelques manieres de malefacons qui ont este faites tant dune partie come dautre / et nous repor
teront ce que trouue en auont le quel raport oi ou veu / nous en ordenerons et ferons ce que reson sera ou ce que il nous plera / sanz ce que les parties ou lune de eles doient
ou puissent venir encontre par quelque cause ou raison que ce soit. Jtem sur ce que le dit Roy de Bahaigne auoit comencie a edefier en la ville de damuiller la quele chose le
dit Conte de Bar li debatoit / nous auons ordene et ordenons desmaintenant que le dit Roy de Bahaigne pourra si li plest ouurer / ou faire ouurer en la dite ville / et aillieurs
en quelque autre lieu estant en sa terre domaigne ou seignourie / tel edefice forteresce ou autre oeure come il li plera sanz empeschement ou debat / que le dit Conte idoit / ou
puisse mettre Et aussi fera icel Conte en sa terre domaigne ou seignourie / tel edefice / forteresce ou oeure come il li plera / sanz empeschement ou debat que le dit Roy y doie
ou puisse mettre. Et pour ce / que ceste ordenance ainsi par nous faite soit tenue et gardee fermem(en)t / tant de lune partie q(ue) de lautre / encore par vertu de la dite submis
sion auons ordene et ordenons / que se lune diceles parties venoit en quelque maniere que ce fust / contre ceste p(re)sente ordenance / en tout ou en partie / cele qui y vendroit
ou feroit en contre / nauoit conseil / aide / ni secours de noz sugiez / ainz defendriens a touz noz sougiez / que en quelque maniere que ce soit ne donassent / conseil / aide / ou
feissent secours a la partie venant encontre / ainz soufferrions que il conseillent / confortent et aident la partie obeissant a tenir et garder ceste presente ordenance / par
la quele encore ne voulons nous / ne nest n(ost)re entente / que aucun p(re)iudice soit fet / aus opais / qui autre foiz ont este faites / et acordees entre le dites parties / mes voulons
q(ue) elles tiengnent / soient gardees / et demeurent en leur fermete / et vertu. En tesmoing de ce nous auons fait seeler ces presentes lettres de n(ost)re seel. Donn(e) a poissy
le .xij. Jour de Juing. lan de grace mil. ccc. et Trente.

Wissenschaftliche Transkriptionszeichen

(text)
Aufgelöste Abkürzung; die Buchstaben in Klammern wurden ergänzt.
~text~
Geringe Unsicherheit.
|text|
Erhebliche Unsicherheit.
¦text¦
Sehr unsichere Lesung.
<text>
Kontextuelle Rekonstruktion, die nicht sicher sichtbar ist.
# / #3w
Sichtbare, aber unlesbare Schrift.
^3w^ / ^2l^
Physisch fehlende oder beschädigte Passage.