Wir von gotes gnaden Wilhelm vnd Johans pfaltzgrauen by Rein vnd hertzogen in Beyern vnd Adolff hertzog zu dem Berge (etc) Entbieten allen vnd yglichen kungen fursten Graue(n)
freien herren Rittern knechten vnd allen andern wie die genant seyn den diser brieff furkomet vnd gezeiget wirt vnsern dienst freuntschafft vnd alles gut Wann von manigerley sache
wegen houptbrieffe vnd priuilegia vnd nemlich in fremde vnd ferre lande vnsicher zufuren vnd zubringen seyn nach dem vnd die ettwan verloren zubrochen genomen vnd sust manig(er)
ley schaden empfahen mogen vnd soliche sorgueltikeit vnd schaden zuuerkomen hat vns der Allerdurchluchtigiste furste vnd herre her Sigmund Romischer vnd zu hung(er)n zu Behe(m)
Dalmatien Croatien (etc) kunig vnser gnediger herre furbraht eynen houptbrieff mit eynem Anhangendem Insigel versigelt vnd an vns begert das wir den wolten vberlesen vnd ey(n)
gentlich schawen vnd eyn vidimus druber vnder vns(er)n anhangenden Insigeln zumachen Derselbe brieff von worte zu worte lutet vnd begriffen ist also Von gotes gnaden wir fridrich pfaltz
graue by Rin vnd hertzoge in Beyern (etc) Entbieten den besten vnd Ersamen leuten gemainlichen den Ratleuten Burgern der Stete kungsperg Schowenstat lippen Ruldeperlin Arnß
walde drabenburg waldenberg fredeberg landsperg Bernwald wozin vnd allen anderen luten geistlichen vnd werltlichen vnd ouch gepawren wonhaftig in dem lande obir der
vns(er)n liebn getruen vnser gnad vnd alles gut wir lassen euch wissen das der hochgeborn furste Marggraff Otto zu Brandemburg vnser lieber vetter mit vns(er)m guten willen vnd
gunst die lande vnd leute der Marck zu Brandemburg dem durchluchtigsten fursten kunig wentzelawe kunige czu Behem vnse(r)m herren des Cheysers Sun durch seyn vnd vnsers pesten
willen vmb ander lande vnd widerstadegung erblich verkaufft vnd verlassen hat vnd drumb so verweisen wir euch mit vns(er)m obgen(anten) lieben vettern gesament vnd ewer yglichen be
sunder mit allen ewr(e)n guten die ir von vns(er)m egenan(ten) vett(er)n vnd von vns habent an den egenan(ten) kunige wentzlawe vnd seyn erben vnd verlassen euch mit gutem willen fur vnsern
lieben herren vnd vatter h(er)r Stephan den Elt(er)n Stephan den Jungen vnd Johansen vns(er)n liebn Bruder alle von gote gnaden pfaltzgrauen by Rein vnd hertzog in Beyern aller hul
dunge ayde vnd glubde die ir vns(er)m egen(anten) vatter vnd herren vns(er)n egenan(ten) lieben Brudern vnd auch vns allen synen Sunen vnd vns(er)n Erben getan habt vnd biß an dise czeit
pflichtig seyt gewesen derselben huldunge sagen wir euch frey ledig vnd loz mit krafft diß brieffs Geben ze Braunsperg An Sontag nach sand Bartholomeus tag des hailigen
zwelfpoten tag mit vns(er)m Anhangendem Insigel der vorgen(anten) sache zu eynem waren vrkund Anno d(omi)ni M(illesimo) ccc(esimo) lxxiii(o) Des haben wir angesechen sollich redlich vnd billich begeru(n)g
vnd haben den vorgen(anten) brieff also eygentlich vberlesen beschawet vnd besechen vnd haben den gerecht vnuiseret vnd on all meyligung funden drumb haben wir denselben brieff von worte zu
worte schriben vnd mit vns(er)n Anhangenden Insigeln lassen versigeln Also das man dem vorgeschrib(e)n brieffe vor dem Rechten vnd auß den Rechten der wo Er gezeiget wirt also wol
glouben sol vnd mag als demselben houptbrieffe Geben auff dem Sloß kestasch in dem Stulberg in vng(er)n Nach Crists geburt vierzehenhundert Jar vnd dornach in dem funf
vndzwenczigisten Jare An dem nechsten Sampstag vor sand philips vnd sand Jacobs tag der heiligen Czwelfboten