In nomine domini amen. Noverint universi presentes litteras visuri seu audituri quod nos Theodoricus de Hanart decanus et Gerardus de Wedelinc cantor ecclesie sancti Servatii Traiectensis Leodiensis dyocesis sanam in domino salutem.
Noverit nos vidisse tenuisse et perlegisse litteras sanas et integras non cancellatas non abolitas non obfuscatas nec in aliqua sui parte viciatas, prout in eis videbatur et prima facie apparebat, sigillis veris
sanis et integris appendentibus ut apparuit illorum quorum in eisdem esse asseritur sigillatas, quarum tenor sequitur et est talis: Wenceslaus van godes genaden hertoghe van Lucembourch
van Lothrike van Brabant van Lymbourch marcgreve des heilichs rijcs ende des selfs op die side saseburchs vicarius generael, ende Johanne bider selver gracien hertoghinne
ende vrouwe der selver lande, doen kundt allen luden dat want die commendur die priuael ende die bruder vanden duytschen orden vander ballien vanden biesen in onsen
vorvorder tiden hertoghen in Brabant vrijs hebben gheweest si ende alle haer goede van allen diensten corweiden taillen beeden ende allen anden saken om dat si ridders sijn
So willen wi si houden in allen hoeren vriheiden ende hebben om die speciael onse de wi te hen draghen om dat si onder ons sijn comen woenen tot onsen hoen ende alle
haer goet ghevrijt ende vrien si van allen beeden corweiden taillen ende allen anden diensten, so waer si onder ons in onsen lande van Brabant van on maese van dalkem
van Valkenbourch of eldre bynnen onsen herlicheit gheleghen sijn tot eweliken daghen ende confermeren hen alle haer privilegien charten ende brieve ende haer vriheden di sij
van onsen vorvorden hebben in wij willen dat in haere machten ende virtuten bliven gheheel ende in alder maniren dat si ghescreven ende ghegheven sijn. Ontbieden daer om allen
onsen borchgreven drossaten ende richteren die nu sijn of hier namals van onsen weghen sijn selen, dat si den vorscreven commendur priuael ende broeder vanden duytschen ordenen paischelic
vriedelic ende rastelic houden in haren vorscreven goeden ende vriheiden sonder tallie beeden of dinst van hen te nemen, also lief als onse hulde ende haren dijnst hebben te behouden
ende sund des ander ghebot van ons te wachten of van yeman anders van onsen weghen behoudelic alwees dies of si goet cochten bynnen onsen vorscreven landen die dienst sculdich
weren dat die goet alwees alsuelken dienst souden moeten doen ende gheven als te doen ende te gheven plaghen eer si di cochten of vercreghen sonder argelist. In cuius rei testimonium
nos decanus et cantor supra sigilla nostra propria conscripto in sigillum vere copie duximus apponenda. Datum anno domini millesimo trecentesimo septuagesimonono mensis februarii indic agitur die quinta.