Catalogue de recherche

Explorer les chartes

Commencez par une recherche simple. Affinez-la seulement lorsque la question scientifique l’exige.

R2_STRONG

AUR_1311_IV_17

AT-HHStA > SbgE > AUR_1311_IV_17

Source : MonasteriumPaléographie IAInterprétation IA
Page 1 / 2
AUR_1311_IV_17, page 1
Vue
Transcriptiongemini-3.1-pro-preview
Wir Hainrich von gotes genaden Chunig ze Behaim vnd ze Polan Herzog ze Chernden Margraue ze Merhern Graue ze Tirol vnd ze Gorz Vogt der Gotshaufer ze Aquilay ze Triend vnd ze
Prizen chvnden vnd chunt an disem priue allen den di in sehent horent vnd lesent daz wir mit gutem willen vnd bedachtichait mit vnserm liben Ohaim dem edeln Herzog Friderichen von Osterreich gelobt vnd gesworn
haben ain ganczen suen vnd friuntschaft zehaben vnd zehalten vnd haben in di suen genomen vnsern vetern Graue Hainrichen von Gorz vnd alle vnser helfer vnd vnser diener arm vnd reich wie si genant sein di vns
wider den vorgenanten vnserm Ohaim geholfen habent vnd gedient Swaz auch schaden zwischen vns vnd vnsern helfern vnd dienern in dem vrleug vnd in dem chrieg baidenthalbe geschehen vnd auf gestanden ist aiza halbe
sindes mit prant vnd mit roub der sol genczlich ab sein vnd sol nimmer auf erhaben werden weder mit gerichte noch mit rache Swaz aber in friden geschehen wer daz sol man baidenthalb ab richten mit minne oder mit recht
auf tage di dar zv genomen werdent vnd vmbe den chrieg der zwischen vns vnd dem vorgenanten vnserm Ohaim von Osterreich gewesen ist vmbe di funf vnd vierzich Tausent march von der taiding wegen di zwischen vns
geschehen bei Znoym vnd swaz er vnser lande ze Cherndn ze Chrain vnd auf der windischen march inne hat vnd auch vmbe den sacz den wir haben auf Chrain auf der windischen march vnd auf dem Sauntal
haben wir baidenthalben ze Schidleuten genomen vnser froun vnd swester froun Elsbeten weilent Chunigin von Rom den ersam Erczpischof Chunraten von Salczburch vnd vnserm Ohaim Herzog Rvdolfen von
Payern vnd haben baidenthalben gelobt bei vnsern eren an aiden stat stet vnd vnzebrochen zehaben vnd zehalten swaz di selben Schidleut vber di vorgenanten sache chaitleich gesprechen vnd haben dar ainen tag genomen hincz
Chufstain auf sand Iohans tag der nehst chvmt ze Sunnebenden mit solcher beschaidenhait daz baid wir vnd auch di Schidleut gelobt haben bei vnsern eren an aiden stat daz wir auf den selben tag chomen an geuerde vnd
daz der spruch da geschech an alles vcziehen vnd an alles geuerde vnd wer daz vnser vorgenant swester von chraftes not vil leicht auf den tag nicht chome so sullen di andern zwen Schidleut den spruch sprechen wer aber
daz der selben zwain Schidleut ainer in der frist nicht enwer es got nicht welle oder aber von chraftes not auf den tag nicht chome so sol der ersam Pischof Iohans von Prizen an des selben stat sein mit allem
dem recht vnd mit dem gewalt den der selbe het disen spruch zesprechen vnd daz wir daz also stet behalten vnd vnzebrochen dar vmbe geben wir disen prief ze ainem vrchunde aller diser sache besigelt mit vnserm Infigel vnd
mit der vorgenanten Schidleute Infigeln des Erczpischof Chunrats von Salczburch vnd Herzog Rvdolfs von Payern Der prief ist geben ze Prczno nach Christes gepurt Tausent drewczechenhundert iar dar
nach in dem Ailften iar des Samcztiges in der Oster wochen

Balisage scientifique de la transcription

(text)
Abréviation développée ; les lettres entre parenthèses sont restituées.
~text~
Incertitude mineure.
|text|
Incertitude importante.
¦text¦
Lecture fragile.
<text>
Reconstruction contextuelle non visible avec certitude.
# / #3w
Écriture visible mais illisible.
^3w^ / ^2l^
Passage physiquement manquant ou endommagé.