Wir Peter von Gots gnaden Apt ze Götweig vnd all di brüder der samnug da selbs
tün chunt alln den di nu sint vnd her nach chünftich werdn di disn prief sehent
daz der Hainrich druchsaez von Vtzensdorf mit aller siner erbn gütlichem willen
Got vnd durch siner sel willen vnd aller sin vreund sel willen hat gegebn vnsin
den zehent gvlt wienn pfening ze Chüfarn vnd daz selb pfunt sol vns swester sein di nun
vnd swest ist in vnsern vrowen chloster habn vnd nvzen vntz an iren tot mit vnser aller gütlichem
willen ze pezzering irer pfrvent vnd swann si niht en ist so sol daz selb pfunt pfening vallen
vnserm Gothaus dienen ewichleich on all wid(er)red. Dar vber habn wir der vorgenanten vns(er) swest(er)
gegebn disn prief fvr all ansproch ze ainem vestem vrchund beslozzen mit vnserm insigeln. Dis(er) prief
ist gebn ze Götweig do von Christes gepürt warn ergangen dreutzehn hvndert iar in dem nevntem
iar an sand Gorgen tag