Ich Dietreich von Wezzenberch vnde ich Otte sein pruder wir veriehen vnde tůn chvnt allen den di disen
prief an sehent oder hozent lesen di nv lebent vnd her nach chvnttich sint daz wir vnser haus datz fridowe
mit alle dev vnde dar zv gehozt versvcht vnd vnversvcht dar zv daz Gůt datz Trawendorf swi so daz genant ist
gůt sampt der fischwaide da selbe dar zv allez daz daz vns vnser mvter vro osmey durch ir rehte trewe hat in
ge antwurt vnde daz si in nvtze vnd in Gwern gehabt hat ein Abthalbe phvnt geltes daz belabet vnser swest(er)
vnd ir wirt vlreichen von Topel daz ander schul wir ir wider in ir Gwer Antwurten vntz an ir tot vnde schol
si wider in daz haus ze fridowe varn mit vnserm gůten willen an allen chrieg vnde schol haus vnde gůt
in nvtze vnd in Gwern haben Ist daz si hern weichart von Topel vber lebt vnde schuln si danne dar an mit
niht irren vntz an ir tot noch beswærn als daz zæmlich vnd pilleh ist Daz disev rede also stæt vnd vnZebro
chen belæbe dar vber so geb wir ich Dietreich von wezzenberch vnde ich Otte sein pruder vron Osmeyn vn
ser mvter disen prief versigelt mit vnsern InSigeln zv einem offenne vrchvnde vnd zv ainer stæten si
cherhait diser sache Dar vber mit h(er)n Dietreichs InSigel von pilichdorf des marschalchs vnd mit h(er)n
Otton InSigel von Ottenstain vnd mit hern chvnratz InSigel von Arnstain di der rede taidinger vnd
schidlevt sint gewesen vnd sint ouch Gezevgen mit ir InSigeln mit den gezevgen di man hie nennet
her chvnrat von Arnstain her Dietreich her nernhart her wulfinch di hæusler vnd ander piderbe
levt genvege den disev sache wol chvnt ist Daz ist geschehen vnde der prief geben datz fridowe
do von christes Gebvrt waren er gangen drevtzehen hvndert iar vnde dar nach in dem zehenten
iar des nehsten svntiges vor phingsten