Catalogue de recherche

Explorer les chartes

Commencez par une recherche simple. Affinez-la seulement lorsque la question scientifique l’exige.

R3_PERIOD_CONTEXTgeben ze Chotweig (1315) an sand Ambrositach. Source

1315_IV_04.1

AT-StiAG > GoettweigOSB > 1315_IV_04.1

Source : MonasteriumPaléographie IAInterprétation IA
Page 1 / 2
1315_IV_04.1, page 1
Vue
Transcriptiongemini-3.1-pro-preview
Ich Voleweim der Pömer vergiech offenleich vnd tůn chvnt alln den di nv sint vnd hernach chvnftich werdnt di disn pri
ef hornt oder sehnt lesn. daz ich mit miner havsfrovwen vron Perhtn vnd aller miner erbn gvtleihm willn vnd mit gv
tem rät. ze der zeit da ich daz wol getůn moht. vnd ich sein het vollez reht han verchavft reht vnd ledichleich hern Jan
sen dem nachgvster ze chotweig mit sines erbern herrn apt peterus gvtleichem willn mines vriem erb aignd ze michel
Rvst zwelf vnd drei schilling pfenning gvlt wienn(er) mvntz di der v(or)gnant Jans in di oblai ze chotweig ewichleich hat
gebn also daz man all iar an sand Gilgn täch sines vater vlrichs vnd sin(er) mvtter sel vron liykn so in Got gnad iär
leich mit vigili vnd mit mess sol begen on all wider red. vnd sol dehain apt auf dem v(or)gnantem gvt habn weder ste
wer noch losung noch dehain sůchung wed(er) ablait noch anlait denn der oblai maister sol iz stiften vnd storn vnd
in stiller gwer habn on alln chriech. dar vber ich vnd mein erbn solln daz selb gvt schirm(en) dem v(or)gnantm Gotshavs ze
chotweig fvr all ansproch als lands reht ist. des selbm gvtes pin ich rehter gwer vnd mein erbn. vnd nem iz dehaine
schadn von dehainer ansproch den sol ich im abtůn vnd mein erbn vnd sol daz habn auf alle dev gvt ich han in dem
land ze Osterreich. di v(or)gnant gvlt zwelf vnd dreischilling pfenning di leit ze michel Rvst auf einem lehn. daz dise
sache fvrbaz ewichleich bleib on alln chriech han ich dem v(or)gnantm Gotshavs vnser(er) vrowen ze chotweig gebn
disn prief ze einem sibtigem vrchvnd vnd ze einer stetn sicherhait besiglt mit Ottn mines brůder insigel.
won ich selb dehain aign insigel het. vnd mit der erbern herrn insigel. hern vlrichs von Gesdorf. vnd h(er)n
Ottn von dem Ror. des sint zevg. der weichart von kamstein. h(er)r vlrich von weiznberch. h(er)r Ott sin brůd(er)
der weichart von planchenstein. h(er)r Ott sein brůder. weichart der nevnwalder. ganshan sein brůder. wisint d(er)
kilter. chvnrat der schaffer. Jacob d(er) schreiber. levtwein der chamerer. chvnzl swinpech. englschalch. vnd and(er)
erber levt den daz chvnt ist genvgn. diser prief ist gebn ze chotweig do von christes gepvrt warn ergangn
tausnt iar drev hvndert iar in dem fvnfzehntem iar an sand Ambrosi täch.

Balisage scientifique de la transcription

(text)
Abréviation développée ; les lettres entre parenthèses sont restituées.
~text~
Incertitude mineure.
|text|
Incertitude importante.
¦text¦
Lecture fragile.
<text>
Reconstruction contextuelle non visible avec certitude.
# / #3w
Écriture visible mais illisible.
^3w^ / ^2l^
Passage physiquement manquant ou endommagé.