Ich Erchenger der Wesner. wgih. vnd tuen chund. alle den. die den Prief an sechent. lesent. oder lesen hornt. die nv lebent. oder
hernach chunftig werdent. Daz ich. mit vedahtem emvt. vnd mit gutem rat. mein pesten vreunt. mich aichant han. vnd
veriant. Daz. daz. Gotzhaus. vnser vrawn. datz Chotweig. pesser reht hat. daz ich wol. wisten vnd erfichacht han. dann
ich. vnd mein vordn gehabt haben. an der Aygenschaft. der zehent. der hie vor von mautrarn. ainen von vns gehabt
hat. der gelegen ist. in Mautrarer veld. vnd ain in paigart veld. den Eberger von pergaern. von vns. gehabt hat. vnd han
den selben Aygenschaft. der selbn zehent. an wein. vnd getraid. versuht. vnd ansuht. durch mein. vnd aller mein vordn
sel. willen. gentzleich. vnd ledichleichen. mit allem nvtz. vnd reht. gegeben. vnser vrawn Gotzhaus. dem vorgenantem. datz
Chotweig. als ichs. vnd mein vordn gehabt habn. vnd daz ist geschehen. mit aller mein erben. gutem. villen. pey dez Erbn
hien. apt marcharts zeiten. der ze den selben czeiten. dez vorgenanten. Gotzhauss Apt. vnd pfleger waz. vnd auch
daz han ich. getan. ze den. czeiten. da ich iz. wol getun. maht. vnd dar vber. ze ainein vrchund. gib ich
Erchengr. der wesner. der vorgenant. dem Erbn hien Apt marcharten. vnd seinem Gotzhaus. den prief cze aine
vrchund. versigelt mit meim Insigel. vnd meins vetrn Insigel. chunrats dez Eysenpeutel vnd h(er)n otten Insigel von preyczen.
wach. vnd h(er)n wulfings Insigel dez Heusler. Dez sind czeuch. her chunrat von Arnstain. h(er) chunrat von Tyeenstain
her hauch der watenstant. her peter von Palt. wisent von smy. Albreht. der schriber von palt. vnd ander erber leut
den der sach. wol. chund ist. der prief ist gegeben. da von chrysts gepurd. tzgangen warn. Tausent Iar. drew hundrt Iar
vnd nach in dem Ahczehentem Iar. dez nesten sunntags. nach sand symons tag datz dem chotweig.