Catalogue de recherche

Explorer les chartes

Commencez par une recherche simple. Affinez-la seulement lorsque la question scientifique l’exige.

R3_PERIOD_CONTEXTDer prief ist gegeben und ditz ist geschehen (1326) des nesten eritag vor dem palmtag. Source

1326_III_11

AT-StiAG > GoettweigOSB > 1326_III_11

Source : MonasteriumPaléographie IAInterprétation IA
Page 1 / 2
1326_III_11, page 1
Vue
Transcriptiongemini-3.1-pro-preview
Ich alber von maynberch vergiech an disem prief ahenleich allen den di in sehent oder horent
lesen di nu sind und her nach chunftich werdent daz ich bechant han und mit rehter war
hait ermant pin daz mein vater her ort von maynberch den got genad hat gegeben
ledichleich an all anspruch zder gut do er iz wol getuen maht / seins vreien aigen
daz sein reht chaufguet was mit allen seiner erben willen den hof datz schmidleib
und swaz da zue gehort zeweld und zdorf besuht und unbesuht versueht und
unversueht dem gotshaus datz chotweich zu meiner muemen vraun alhaiten der
hagerynn also daz si selben hof mit gantzem nutz sol innt haben und ir pfruent
da van pezern untz an ir tod / und swenn got mit dem tod uber sie gepeut
so schol der selb hof mit allem nutz gehorn in di oblay der herren und der vrauen
datz chotweich an allen chrieg / und schol man da van inpaiden conventen nach
ir tod ir iartag und unser vodern und auch unser gehugnuss begen mit
vigili und mit selmess alle iar an dem tag als si verschaiden ist / ob auer daz
ein hochtzeit oder chain ander ehaft unmuetz irret so schol iz geschehen an dem
nahsten tag dar nach / und ich vorgenanter alber von maynberch und mein erben
schullen des selben hofs weyt sein an allen iern und des vorgenanten gotz
haus schaden datz chotweich / und des uber ze urchund und zu einem warn zeug
gib ich dem erbern herren abt orten und seinem oftgenanten gotzhaus
datz chotweich disen prief versigelt mit meinem insigel und mit meins
ohms insigel hern ulreichs von waichensteyn und mit meins vetern insigel
hainreichs des maynberger swen zaiten datz pyela gesezzen di der sach
gezeug sint Der prief ist gegeben und ditz ist geschehen do von christes
gepurt warn ergangen dreutzehen hundert iar dar nach in dem sehs und
zwaintzigisten iar des nahsten Erichtz vor dem phalm tag /

Balisage scientifique de la transcription

(text)
Abréviation développée ; les lettres entre parenthèses sont restituées.
~text~
Incertitude mineure.
|text|
Incertitude importante.
¦text¦
Lecture fragile.
<text>
Reconstruction contextuelle non visible avec certitude.
# / #3w
Écriture visible mais illisible.
^3w^ / ^2l^
Passage physiquement manquant ou endommagé.