Ich hertneid vnd ich ott vnd ich alber di pruder von wildek wier vergehen vnd tuen chunt Alle den di disen prief
sehent vnd horent lesen. Daz wier zder zeit do wier iz wol getuen mochten vnd mit willen all(er) vnser erben haben v(er)chauft
vnsers rechten Ayges daz wier gehabt haben in gwer vnd in nutz mit Alle dem recht vnd dor zv gehort. funf vnd vierzich
phennig geltes datz den dachs lugern in venger pharr dem gotshaus datz hal. vm achtzhen schillig phennig. d(er) wier gar
vnd gantz gewert sein vnd hin fur ewichleichen do pei zepeliben wier schullen Auch des v(or) genanten guets gew(er) vnd schirm
sein des v(or) genanten gotshaus fur All ansproch Als recht ist in den land ze Ostrich. vnd swatz in dor An ab gieng daz schullen se
haben Auf Alle dev vnd wir haben in dem lant ze Ostrich mit vns(er)m guetlichen willen. Daz di sach stet vnd vngebroche(n)
pelib. so geb wier Ich hertneid vnd ich ott vnd ich alb(er) di vorgenanten prud(er) von wildek disen prief v(er) sigelt mit vn
s(er)m insigel zv ein offen vrchunt dem gotshaus. diser sach ist gezeug her dietreich von hoh enwerch her stephan von hoh
enwerch d(er) hm(er) von echendorf d(er) greul d(er) ott von neuwald vnd And(er) eb(er) leut d(er) genuech ist. Der prief ist ge
geben do von christes gepurd warn ergangen dreuzehen hundert iar dar nach in dem dreizisten iar An sand