Ich Hainreich der vreyberg(er) von Hob(e) und mein wirtin frow Elsbet und unser paider erben
die wir nu haben oder noch gewunnen schullen verjehen an disem offen brief und tuen chunt
allen den die in sehent horent oder lesent die nu sint oder noch chunftich werdent daz wir
unauschaidenleich mit wol verdachtem mute und mit gutem willen und mit gunst und hant
aller unser erbn und auch mit unser freunte gunst und rat redleichen und recht und
unausprochenleich verchauft und auf geben haben fur rechtez aigen zwen hof der ainer an
halben der wir witz in dem Gewetnich gelegen ist da Jacob auf gesezzen ist der ander hof auf
dem zewein gelegen ist da Ayblain der tagliesch und sein pruder gans auf gesezzen sint
und aine hofstat auf dem Eberwin gelegen leut und gut stoch und stain gepowen und unge
powen gesucht und ungesucht wie ez genant ist mit allen den rechten und dar zu gehorent als
wir ez emaln in nucz und in gewer inne gehabt haben dem erbern manne Hansen von obdach
purg ze sand veit und seiner wirtinn katrein und ir paider erben sunen und tochtren die
siw nu habent oder noch gewunnen schullen umb an aine halbe march vierzech march aglager
phening der wir von in gar und ganczlich gericht und gewert sein und loben in die vorge
nanten zwen hof und die egnanten hofstat fur rechtez aigen ze vreyn und ze scherman
vor aller chlag und anspach nach des landes recht Taten wir des nicht welhen schaden
siw des namen den ir ainez ir faine twen mocht gefugen an allaz geuarde den schulle wir
in ab legen gar und ganczlich an alle chrieg und an alle taiding und schullen daz haben auf
uns und auf unser erben und auf alle dew und wir haben daz daz stete und unsprochen
beleibe dar uber gib ich disen offen brief mit meim anhangendem Infigel und auch mit
meins vetten Aybleins des vreyberg(er) von hardek anhangendem Infigel daz er durch mein und
meiner erbn pet willen an gehangen hat zu aine urchunde der warhait der
prief ist gebn nach christes gewird dreuzehen hundert jar in dem vierzechistem jare
des mitichens in den osterfeiertagen