Ich Perichtolt von Pergäwe Vergich vnd tůn chunt allen den die disen brief lesent oder hörent lesen die nu lebent
vnd hernach chünftich sint. Daz ich mit meiner erben gůten willen vnd gunst mit verdachtem müt zü der zeit do ich es
wol getůn mochte Vnd mit gůns Lehenherren hant des hochgeborn fürsten hertzoge Albrechts ze Osterreich ze Steyr vnd
ze Chärnden. Verchauft han meins rechten Lehns daz ich von im ze Lehen gehabt han. Des ersten meinen halben Zehenten
den ich gehabt han ze Olienstorf auf secht Lehen vnd auf ainer hofstat Grozzen vnd Chlainer ze velde vnd ze dorf
es sey gestift oder vngestift versůcht oder vnversůcht wie so daz genant ist. Vnd achtzich metzen waitzäbern vnd zwelif hü
ner geltes vnd drey schillinge vnd sechs pfennige wiener münse geltes aydemch pfennige vnd aht vnd viertzich
chräut pfennige daz alles gelegen ist auf aht Lehen vnd auf vier hofsteten die da ligent ze Půgtinge vnd ze
Olienstorf vnd auf alle daz vnd dar zü gehöret ze velde vnd ze dorf wie so daz genant ist. Daz selbe gůt
alles als vor an disem brief geschriben stet han ich recht vnd redleich verchauft vnd geben mit alle dem nutze
vnd recht als ich es alles In Lehens reut her gehabt han. Vmb fümfczich phunt wiener pfennige der
ich gar vnd gäntzleich gewert pin meinem Vettern Vlreichen dem Pergäwer von Gůtenprunne vnd seinen
Erben. fürbaz Ledichleichen vnd freyleichen ze haben vnd allen irn frumen da mit ze schaffen verchäuffen
versetzen vnd geben wem si wellen an allen irrsal. Vnd pin auch ich Perichtolt von Pergäwe vnd mein erben
vnuerchertdenleich des vorgenanten gůtes alles wie so daz genant ist. meins vettern Vlreichs des Pergäwer
von Gůtenprunne vnd seiner Erben recht gewern vnd schirm für alle ansprach als Lehens recht ist vnd des
Landes recht ze Osterreich. Wai aber daz in mit recht dar an icht ab gienge oder daz si dar an
mit recht icht ansprach gewunnen swaz si des schaden nement den süln wir in alles aus richten vnd
wider cheren an allen irn schaden. Vnd süln auch si daz haben auf vns vnd auf allem vnserm gůt daz
wir haben in dem Lande ze Osterreich wir sein lebentich oder tode. Vnd daz diser chauf
fürbaz also stät vnd vnzerbrochen beleibe. Dar über so gibe ich Perichtolt von Pergäwe für mich
vnd für mein Erben In disen brief zü ainem wärn vicht igem vrchunde diser sache versigilt
mit meinem Insigil. Vnd mit meins vettern Insigil Vlreichs von Pergäwe der diser sache gezeuge
ist mit seinem Insigil. Diser brief ist geben ze wienne nach christes gebürt dreutzehen
hundert Iar dar nach In dem sechs vnd viertzigisten Iar an sant Gertruten tage :- :-