Ich Hainreich Eysenhouen, fraw Chunigunt mein hausfraw, vnd vnser Erben, veriehen offenleich an disem prief
vnd tuen chunt allen den di in sehent oder horent lesen, Daz wier vnsern tzehent daz hoinpach der do haizt
auf den Reivtern den wier ze lehen gehabt haben von vnserm genedigen Herren Abpt Wulfingen ze
Chotweyg nach vnser pesten frevnt Rat vnd zu der zeit do wier ez wol getuen mochten recht vnd
redleich verchauft haben vnserm vorgenanten Herren von Chotweyg vnd seinem Gotshaus vmb vier
vnd gwaentgich phunt pfenning wiener gemainer munizz der wier recht vnd redleich gewert sein
allen seinen vnd seins Gotshaus frumen da mit schaffen als in aller peste do mit fuegt an allen weinfal
Wir seczen auch vns des selben tzehents schirm vnd gwer fuer all ansprach als lehens recht ist vnd des
landes recht ze Osterreich tuent in der an riht ab mit einem rechten, daz schullen si haben auf all den
vnd guet haben in dem land ze Osterreich Vnd dar vber zu einer bestetigung haben wir dem oftge=
nanten vnserm Herren von Chotweyg vnd seinem Gotshaus auf gegeben di hantuest di wier vnd vnsern
vordern von dem Gotshaus gehabt haben vber di selben tzehent, Vnd dar zu eiv einem waren gezeug
geben wir in disen offen prief versigelten mit her lewen Insigel des duchsiczen der mit samt
vns hingeber gewesen ist, vnd mit hern Stephans Insigel von Meidling der meiner hausfraw naeh=
ster frevnt ist, wan ich aigen Insigel nicht gehabt han Der prief ist gegeben nach Christ ge=
puerd drevtzehen hundert iar dar nach in dem seihs vnd viergiksten iar an vnser frawen tag ze liechtmess