Catalogue de recherche

Explorer les chartes

Commencez par une recherche simple. Affinez-la seulement lorsque la question scientifique l’exige.

R2_STRONG

1326_XII_21

AT-StiAH > HeiligenkreuzOCist > 1326_XII_21

Source : MonasteriumPaléographie IAInterprétation IA
Page 1 / 1
1326_XII_21, page 1
Vue
Transcriptiongemini-3.1-pro-preview
Ich Dietreich von pilchdorff Marschalch In Osterreich. vergiht vnd Tvn chvnt Allen den die disen prief le
sent oder horent lesen die nv lebent vnd hernach chvnftich sint. Daz ich mit gvten willen vnd gvnst meiner
hovsfrowen von bosseyen vnd avch meiner prvdere hern vlreichs. vnd hern Otten von pilchdorff vnd
Aller meiner vrevnt ze der zeit do ich ez wol getvn mochte geschafft vnd geben han. dem chloster vnd dem
Conuent datz dem Heyligen chrevtze In Osterreich grawes ordens. ledechlichen vnd eweclichen zehaben
mein zwen weingarten die mein rechtes chovfgvt sint. vnd liegent bei prespurch an der hochmei mit al
lem dem Rechte vnd ich sie her han bracht In nvtz vnd In gewalt vnversprochenlichen vntz
ovf disen Tag durch got vnd durch meiner sele hail willen vnd besvnderlichen durch meines lieben herren
sele willen chvnich Rvdolffes von pehaimen dem got gnade vnd durch aller meiner vodern willen also
mit ovzgenommer rede daz sie ewichleichen alle Tage zw messe haben schvllen vnd dar Inne got fvr vns
piten schvllen vnd vnser alle Iar an vnserm Iartage gedenchen nach ires ordens gewonhait vnd schvllen
fvrbaz Allen den nvtz der da wirt vber daz paw von den vorgenanten zwain weingarten geben gar vnd gentz
lichen den siechen vnd den pettersen ze pezzerimge irer phrovnt In ir siechhovs. vnd daz ditz geschefte
vnd dise gabe gantz vnd vntzebrochen belabe Dar vber so gib ich vorgenanter Dietreich von pilchdorff
Marschalch In Osterreich dem egenanten chloster vnd dem Conuent da selbens datz dem heiligen chrevtze
In Osterreich disen prief ze ainen waren gezevge vnd ze ainer ewigen vestnunge diser sache versigelten
mit meinem Insigel vnd mit meiner pruder Insigeln hern vlreichs vnd hern Otten von pilchdorff die
dises gescheftes vnd diser gabe gezevge sint. mit ir Insigeln. Der prief ist geben ze wienne da von
christes gebvrt ergaugen waren Dreytzehenhvndert Iar darnach In dem Sechs vnd zwaintzzigisten
Iare an sand Thomas Tage vor weinachten.

Balisage scientifique de la transcription

(text)
Abréviation développée ; les lettres entre parenthèses sont restituées.
~text~
Incertitude mineure.
|text|
Incertitude importante.
¦text¦
Lecture fragile.
<text>
Reconstruction contextuelle non visible avec certitude.
# / #3w
Écriture visible mais illisible.
^3w^ / ^2l^
Passage physiquement manquant ou endommagé.