Ich Vlreich von fevchsen vergihe vnd tůn chvnt an disen brief allen den die in lesent oder
hozent lesen dev nů lebent vnd hernach chvnftich sint daz ich mit verdochten mvt vnd mit zeitigem rât
do ichs wol macht tůn vnd mit meiner hovsfrowen vrow Agnesen gůten willen geschaft han ledichlichen
vnd an allen val meines rechten Aygens durch meiner sel wille zibentzich phfenning geltes ewi
chlichen ze dienen in vnser vrowen Cech ze wienne datz den Schotten vnd ligent die selben gvlte datz
Waitzendorf des Ersten dient man von einem Akcher der gewesen ist des Slawechen Sechs vnd zwain
tzich phenning man dient auch ab einer hofstat die gewesen ist Dyemeins des Chvrtzhals fvnftzchen
phfenning vnd von einem Anger vnd von einem Akcher der in perleins lehen leit zwaintzich phfennig
man dient von einer Gletstat mitten in dem Dorffe drev phfennig vnd von herleins press stat drev
phennig man dient auch von einem weingarten der do ist des Plazzen von pvlka drei phenning
die gvlte dient man alle Jar mit ein ander an sant michels tach vnd dar vber han ich Vlreich
der vorgenant gepeten die Erbern herren hern levtolden von Chvning vnd hern Chalholchen von
Eberstorf Chamerer in Osterreich daz si ir baid ir sigel legen an disev hantfest zv einer bestetigvng
vnd zv einer sicherhait diser gvlte wan ich Vlreich der vorgenant meines Insigels bei mir z den
selben zeiten niht enhet diser sach ist zevg her Greiff von wienne her Chvnrat der hvb
maister her Dietreich von Challmperg pvrger maister ze wienne her Dietmar von ho
labrvnne levpolt der Ros tevscher hainreich der waitzendorfer her Jacob von Ottachrvnn
Otto der haser her mathart der Gneinhewtel vnd ander biderb levt genvch den disev sach
vnd ditze gescheft wol chvnt vnd gewizzen ist diser prief ist gegeben do von Christes gebvrt
sint ergangen Trewzenhvndert Jar vnd in dem sibenten des nâchsten Ertiages an aller
hailigen obent .