PERG_Podlaha_78_19200126
CZ-ANM > Podlaha > PERG_Podlaha_78_19200126
highMonasterium
Source : MonasteriumPaléographie IAInterprétation IA
Vue
Traduction
Transcriptiongemini-3.1-pro-preview
Benedictus Episcopus, Servus Servorum Dei, dilecto filio Antonio Podlaha, Electo
Episcopo titulari Paphiensi, salutem et Apostolicam benedictionem. Commissum humilitati Nostrae ab aeterno Pastorum Princi-
pe officium regendi, pascendi et gubernandi universalem Ecclesiam Nos impellit ut curemus, ne memoria pereat illarum Ecclesiarum,
quae virtutum splendore et religionis prosperitate floruerunt, etsi modo temporum vicissitudine et iniuria pristinam amiserint fulgentem gloriam.
Cum itaque titularis Ecclesia Episcopalis Paphiensis, sub Archiepiscopo Salamino seu Constantiensi, cuius titulum venerabilis Frater
Georgius de la Boninière de Beaumont, Episcopus gerebat, per ipsius successionem ad Cathedralem Ecclesiam Reunionis, seu S. Dio-
nysii, in praesens vacans existat, Nos Te, canonicum Metropolitanae Ecclesiae Pragensis, de venerabilium Fratrum Nostrorum S. R. E.
Cardinalium consilio ad dictam vacantem Episcopalem Ecclesiam Paphiensem Apostolica auctoritate eligimus eiusque tibi titulum con-
ferimus, cum omnibus iuribus privilegiis oneribus et obligationibus, sublimi huic dignitati inhaerentibus. Volumus autem ut Tu, huiusmodi di-
gnitati auctus, Venerabili Fratri Francisco Kordac, hodierno Archiepiscopo Pragensi, in pontificalibus exercendis, aliisque pastoralibus muneribus
obeundis adiumentum praestes, ita tamen ut haec nonnisi de consensu et licentia praefati Francisci Archiepiscopi in civitate et dioecesi Pragensi
obire possis, cuius propterea Francisci Archiepiscopi, Te in Auxiliarem suprema Nostra auctoritate tenore praesentium deputamus. Nos autem Tibi
ut pontificali dignitati aptius consulere queas, Apostolica auctoritate concedimus, ut Canonicatum Metropolitanae Ecclesiae Pragensis, quem in
praesens obtines, ut prius et quoad vixeris una cum dicta titulari Ecclesia Paphiensi retinere libere et licite valeas, Constitutionibus et Ordinationi-
bus Apostolicis ceterisque contrariis nequaquam obstantibus. Volumus quoque ut, etiam ceteris impletis de jure servandis, antequam Episcopalem
Consecrationem recipias, in manibus cuiuscumque, quem malueris, catholici Antistitis, gratiam et communionem Sedis Apostolicae habentis,
fidei catholicae professionem emittere et consueta iuramenta praestare iuxta formulas praesentibus adnexas et illas, vel earum exemplaria, tui dictique
Antistitis subscriptione ac sigillo munita, ad Cancellariam Apostolicam infra sex menses transmittere omnino tenearis. Ad hoc Antistiti a Te
electo professionem et iuramenta praefata Nostro et Romanae nomine recipiendi munus ac mandatum ex nunc committimus. Firmam autem spem
fiduciamque concipimus fore ut dextera Domini tibi assistente propitia Ecclesia Pragensis per tuam assiduam cooperationem et studium fructuo-
sum grata in spiritualibus et temporalibus suscipiat incrementa. Datum Romae apud S. Petrum anno Domini Millesimo nongentesimo vige-
simo, die vigesima sexta mensis Ianuarii, Pontificatus Nostri anno sexto. Ecclesiae = P. P. =
|O. Palma|
Episcopo titulari Paphiensi, salutem et Apostolicam benedictionem. Commissum humilitati Nostrae ab aeterno Pastorum Princi-
pe officium regendi, pascendi et gubernandi universalem Ecclesiam Nos impellit ut curemus, ne memoria pereat illarum Ecclesiarum,
quae virtutum splendore et religionis prosperitate floruerunt, etsi modo temporum vicissitudine et iniuria pristinam amiserint fulgentem gloriam.
Cum itaque titularis Ecclesia Episcopalis Paphiensis, sub Archiepiscopo Salamino seu Constantiensi, cuius titulum venerabilis Frater
Georgius de la Boninière de Beaumont, Episcopus gerebat, per ipsius successionem ad Cathedralem Ecclesiam Reunionis, seu S. Dio-
nysii, in praesens vacans existat, Nos Te, canonicum Metropolitanae Ecclesiae Pragensis, de venerabilium Fratrum Nostrorum S. R. E.
Cardinalium consilio ad dictam vacantem Episcopalem Ecclesiam Paphiensem Apostolica auctoritate eligimus eiusque tibi titulum con-
ferimus, cum omnibus iuribus privilegiis oneribus et obligationibus, sublimi huic dignitati inhaerentibus. Volumus autem ut Tu, huiusmodi di-
gnitati auctus, Venerabili Fratri Francisco Kordac, hodierno Archiepiscopo Pragensi, in pontificalibus exercendis, aliisque pastoralibus muneribus
obeundis adiumentum praestes, ita tamen ut haec nonnisi de consensu et licentia praefati Francisci Archiepiscopi in civitate et dioecesi Pragensi
obire possis, cuius propterea Francisci Archiepiscopi, Te in Auxiliarem suprema Nostra auctoritate tenore praesentium deputamus. Nos autem Tibi
ut pontificali dignitati aptius consulere queas, Apostolica auctoritate concedimus, ut Canonicatum Metropolitanae Ecclesiae Pragensis, quem in
praesens obtines, ut prius et quoad vixeris una cum dicta titulari Ecclesia Paphiensi retinere libere et licite valeas, Constitutionibus et Ordinationi-
bus Apostolicis ceterisque contrariis nequaquam obstantibus. Volumus quoque ut, etiam ceteris impletis de jure servandis, antequam Episcopalem
Consecrationem recipias, in manibus cuiuscumque, quem malueris, catholici Antistitis, gratiam et communionem Sedis Apostolicae habentis,
fidei catholicae professionem emittere et consueta iuramenta praestare iuxta formulas praesentibus adnexas et illas, vel earum exemplaria, tui dictique
Antistitis subscriptione ac sigillo munita, ad Cancellariam Apostolicam infra sex menses transmittere omnino tenearis. Ad hoc Antistiti a Te
electo professionem et iuramenta praefata Nostro et Romanae nomine recipiendi munus ac mandatum ex nunc committimus. Firmam autem spem
fiduciamque concipimus fore ut dextera Domini tibi assistente propitia Ecclesia Pragensis per tuam assiduam cooperationem et studium fructuo-
sum grata in spiritualibus et temporalibus suscipiat incrementa. Datum Romae apud S. Petrum anno Domini Millesimo nongentesimo vige-
simo, die vigesima sexta mensis Ianuarii, Pontificatus Nostri anno sexto. Ecclesiae = P. P. =
|O. Palma|