In Nomine Sanctae et Individuae
Trinitatis.
Notum sit omnibus Christi Fidelibus, tam futuris
quàm praesentibus, Quòd Regnante Domino Wladislao
Boëmorum Duce Serenissimo, cum Uxore sua Nobilissima
Domina Gertrude quidam de Primatibus Boëmia Miro=
=slaus nomine diuino monitus partim timore et amore, sa=
=luti suae volens consulere, cum saepius et à sapientioribus,
et aetate prouectioribus audiuisset sine Cultu verae Religi=
=onis nec Charitatis unitate posse subsistere, nec Deo gratum
exhiberi seruitium, Statuit se Religiosas Personas dili=
=gere, et earum quieti auxiliante Domino prouidere.
Consideratis ergo Sanctorum Virorum secundùm diuersam
Professionem Varijs conversationibus, ad unius tamen
Domûs Caelestis Patris mansiones tendentibus, delegit
de Ordine Cisterciensium aliquot Fratres mediatores
sibi cum Christo procurare. Hoc ergo pio ac sancto
Voto de die in diem magis ac magis per Gratiam Sancti
Spiritûs incalescente de Claustro Waltsaxen Con=
=uentum Fratrum sibi impetrauit committi. Cuius
petitioni Sanctae Conversationis Venerabilis Abbas
Gerlacus acclinatus Conuentum Fratrum in Boëmia
direxit, Quibus Sancto desiderio susceptis, praefatus
Dominus Miroslaus, consentiente et attestante
praedicto Venerabili Duce Boëmia Wladislao, et
Reuerendo Ottone Pragensium Episcopo, Canonicâ
Authoritate confirmante, persuadente etiam, et attestan=
=te