Vniuersis Sanctae Matris Ecclesiae filiis ad quos
praesentes peruenerint, Nos miseratione diuina Dominicus Patri
archa Grandinensis Ecclesiae. Joannes Scopiensis, Berengarius
Neopolini, Lucas forensis, Jheronymus de Caffa, Reynardus Thomeriensis Ep(iscop)i: Salutem
in D(omi)no Sempiternam. Pia mater Ecclesia, de animarum salute sollicita
deuotione fidelium per quaedam munuscula spiritualia remissiones uidelicet et in
dulgentias inuitare consueuit ad debiti famulatus honorem Deo scilicet sacris
aedibus impendendum. Nam quanto crebrius ac deuotius illuc confluit populus
Ch(r)istian(us) assiduis Saluatoris gratiam precibus implorando, tanto celerius delictorum
suorum ueniam et ipsam Caelestis regni consequi mereatur gloriam.
Cupientes igitur ut Ecclesia Sanctae Ludmillae in Thetin Pragensis
Dioecesis congruis honoribus frequentetur a Ch(r)isti fidelibus jugiter ueneretur,
omnibus uere poenitentibus et confessis qui ad dictam Ecclesiam in festiuitate
Sanctae Ludmillae nec non in festiuitatibus infra scriptis s(cilicet) Natiuitatis D(omi)ni
Jesu Ch(r)i(sti), Circumcisionis, Epiphaniae, Parasceues, Resurrectionis, Ascensionis et
Pentecostes, ac etiam in singulis festiuitatibus gloriosae Virginis Mariae, sancti
Joannis Baptistae, In(uen)t(ionis) Crucis, Michaëlis Archangeli, et in festiuitatibus B(eat)orum
Petri et Pauli Ap(osto)lorum ac aliorum omnium et singulorum ap(osto)lorum et Euangeli
starum, et Sanctorum Stephani, Laurentij, Wenceslai, Viti, Georgij, X(risto)fori, Adalberti,
Mathiae, Erasmi, Ignatij, Panentij, Blasij, Juliani, Decem Millium Martyrum
militum, Martini, Nicolai, Procopij, Gregorij, Anthonij, Ambrosij, Hieronymi, Ber
hardi, Syluestri, Augustini; Mariae Magdalenae, Catharinae, Margaretae,
Agnetis, Hedwigis, Dorotheae, Barbarae, Annae matris D(omi)nae n(ost)rae, Elizabeth,
Omnium Sanctorum, Vndecim Millium Virginum, et in Dedicatione
ipsius Ecclesiae ac per omnes octauas praedictarum festiuitatum octauas haben
tium. ac per omnes dies Dominicos et in Aduentu D(omi)ni ac Quadragesimae
causa deuotionis, peregrinationis uel Orationis deuotè accesserint: Aut qui Corpus
Ch(r)i(sti) uel Oleum Sanctum secuti fuerint, cùm portatur infirmis, uel qui Cae
miterium dictae Eccl(esi)ae circuierint orationem D(omi)nicam pro omnibus fidelibus
uiuis et defunctis deuotè orantes dixerint, Seu qui in extremis laborantes
praefatae Eccl(esi)ae quidquam suarum legauerint facultatum. Necnon qui
ad fabricam, ornamenta, luminaria, seu quauis alia dictae Ecclesiae neces
saria manus porrexerint adiutrices; uel qui eorum testamentis uel extra Aurum,
Argentum, uestimenta, librum, calicem, seu quauis alia Caritatiua subsidia
dictae Ecclesiae donauerint, legauerint, seu donari procurauerint: Vel qui Mis
sis, praedicationibus, ibiq(ue) Diuinis diebus et festiuis deuotè interfuerint,
specialiter Sabbatinis diebus quando Missa de ipsa Gloriosa Virgine
canitur: Vel qui in serotina pulsatione campanae flexis genibus