Clemens ep(iscopu)s seruus seruor(um) dei Dilectis filijs .. Populo Ciuitatis et dioc(esis) Pragen(sis) Sal(utem) et ap(osto)licam ben(edictionem) In supreme dignitatis
specula ex diuina disposic(i)one licet inmeriti constituti de uniuersis orbis eccl(es)ijs quar(um) cura nobis imminet gen(er)alis iuxta pastoralis officij debitum quantum nobis
ex alto p(er)mittitur solicite cogitamus ut p(er) n(ost)re prouidencie studium pastor(es) eis p(re)ficiantur ydonei ac rectores prouidi deputentur sub quor(um) regimine huiusmodi
eccl(es)ie sp(irit)ualibus proficiant increm(en)tis et temporalibus comodis g(ra)tulentur . Nuper siquidem suadentibus manifestis et rationabilibus causis eccl(es)iam Ciuitatem et
dioc(esim) Pragen(sem) que tunc in Maguntin(ensi) p(ro)uincia existebant et subiaciebant iure metropolitico Archiep(iscop)o Maguntin(ensi) qui est pro tempore ac eccl(es)ie Maguntin(ensi) Venerabili fratre n(ost)ro
Arnesto Ep(iscop)o olim Pragen(si) in Archiep(iscop)um Pragen(sem) electo regimini eiusdem Pragen(sis) eccl(es)ie p(re)sidente de fratrum n(ost)ror(um) consilio et ap(osto)lice potestatis plenitudine auctoritate
ap(osto)lica ab omni iurisdiccione potestate ac subieccione dicti Archiep(iscop)i et dilector(um) filior(um) .. Capituli et eccl(es)ie Maguntin(ensis) eximentes penitus et totaliter liberantes ac eam
soli Roman(e) eccl(es)ie decernentes in(m)ediate subiacere p(er)petuo decernentes ipsam Pragen(sem) eccl(es)iam in metropoliticam ereximus ipsamq(ue) honoribus et insignijs sedis metropolitice decorauimus
innuentes auctoritate p(re)dicta nichilominus statuentes q(uo)d ip(s)a Pragen(sis) eccl(es)ia pro metropolitana imp(er)petuum habeatur et eius p(re)sul Archiep(iscopu)s eciam censeatur prout in n(ost)ris
litteris inde confectis plenius et seriosius continetur . Attendentes igitur q(uo)d idem Arnestus regimen eiusdem eccl(es)ie Pragen(sis) dum ep(iscop)alis existebat gessit hactenus fideliter
et prudenter sumpta a p(re)teritis fiducia de futuris uerisimiliter credimus q(uo)d regimen ip(s)i(us) eo inposteru(m) geret attencius quo ~maiori~ honore et dignitate
prospiciet decoratum eidem Arnestum ip(s)i eccl(es)ie Pragen(si) de dictor(um) fratrum consilio auctoritate p(re)dicta in Archiep(iscop)um p(re)ficimus et pastorem curam et ad(m)inistracionem
ipsius sibi in sp(irit)ualibus et temporalibus plenarie com(m)ittendo In illo qui dat graciam et largitur premia confidentes q(uo)d eadem eccl(es)ia Pragen(sis) sub suo felici regimine
gracia sibi suffragante diuina utilius dirigetur et uotiua continue suscipiet incrementa . Quocirca Vniuersitatem u(est)ram rogamus et hortamur attente per ap(osto)lica uobis scripta
mandantes quatinus eundem electum tanquam patrem et pastorem animar(um) u(est)rar(um) deuote suscipientes ac debito honorificencia prosequentes eius monitis et mandatis salubribus
humiliter intendentes ita q(uo)d ip(s)e in uobis deuotionis filios et uos subsequenter in eo patrem inuenisse beniuolum gaudeatis Dat(um) Auinion(e) ij k(a)l(endas) Maij
Pontificatus n(ost)ri Anno Tercio

De Paschalis