Nos Karolus dei gra(cia) Romanor(um) Rex semp(er) Augustus et Boemie Rex. Ad vniu(er)sor(um) noticiam deducim(us) p(re)senciu(m) p(er) tenore(m). q(uo)d p(ro)uidus vir Joh(ann)es dictus de P(er)nstein ciuis noster Prag(ensis) fideli(s) dilect(us) coram nob(is) constitutus. recognouit se vendidisse et titulo empcionis tradidisse p(ro)uidis viris. Judici et Juratis ac toti co(mmun)itati ciuitatis n(ost)re Prag(ensis) Maioris. villam suam dictam P(er)nstein. cu(m) om(n)ib(us) et singulis suis p(er)tinenciis. agris. pratis. pascuis. siluis. nemorib(us). aquis. aquar(um) decursib(us). molendinis. et eor(um) sitib(us). redditib(us). censib(us). p(ro)uentib(us). obuencionib(us). iurib(us). iurisdiccionib(us). et om(n)ib(us) aliis ad eandem villam p(er)tinentib(us). nichil iuris aut d(omi)nii in eadem villa p(ro) se aut suis heredib(us) reseruando. p(ro) quadam certa su(m)ma p(ecun)ie. qua(m) a p(re)fatis Judice. Juratis. et co(mmun)itate ciuitatis n(ost)re Prag(ensis) Maioris. se integre et plenarie recepisse et leuasse p(ro)fitebatur. in suos et suor(um) heredum vsus et vtilitatem euidenter conuersam. Renuncians p(ro) se et suis heredib(us) om(n)i iuri. accioni. et impeticioni. que sibi aut suis heredib(us) in dicta villa aut eius p(er)tinenciis. racione vendicionis huiusmodi. aut alio quocu(m)q(ue) iure vel titulo. co(m)petere possent in futurum. Promittens insup(er) p(re)fatus Joh(ann)es p(ro) se et suis heredib(us). p(re)fatis Judici. Juratis. et co(mmun)itati ciuitatis n(ost)re Prag(ensis) Maioris. dictam villam cu(m) om(n)ib(us) suis p(er)tinenciis. ab om(n)ib(us) et singulis impeticionib(us). et grauaminib(us) quor(um)cu(m)q(ue) hominu(m). p(ro)ut iuris est. disbrigare. et in pace dimittere. et ab om(n)i onere et grauamine. que in dicta villa aut eius p(er)tinenciis. p(er) ip(su)m aut suos p(re)decessores. aut alios quoscumq(ue). inuenta fuerint. aut in futurum inueniri contigerint. penitus et o(mn)ino liberare. et indempnes conseruare. In cuius rei testimoniu(m) p(re)sentes l(itte)ras fieri. et sigilli n(ost)ri Maiestatis iussim(us) appensione muniri. Datu(m) Prag(e). anno d(omi)ni. Mill(esim)o. Trecentesimo. Quadragesimo octauo. Indiccione p(ri)ma. xiiii. Kalendas Aprilis. Regnor(um) n(ost)ror(um). anno. Romanor(um) secundo. Boemie v(er)o. p(ri)mo.