Innocentius Ep(iscopu)s seruus seruorum dei Ad perpetuam rei memoriam
Hiis que animar(um) salutem respiciunt et ad cultum diuinum sunt prouide ordinata ut illibata consistant libenter adicimus ap(osto)lici roboris firmitatem.
Exhibita siquidem nobis pro parte Carissimi in xpo filij n(ost)ri Karoli Roman(orum) et Boemie Regis Illustris petitio continebat q(uo)d olim ip(s)e cupiens terre
na in celestia et transitoria in eterna felici commertio commutare pro sue et progenitor(um) ac clare memorie d(omi)nar(um) Roman(orum) et Boemie Reginar(um)
successorum suar(um) animar(um) salute in Choro eccl(esi)e beate Marie Virginis in castro Pragen(si) ad honorem dei Tria altaria Vnum sub sancti Nicolai
Ep(iscop)i et Confessoris et aliud sub sanctos Innocentium martirum et reliquum sub sancti Lodolbici Regis et Confessoris uocabulis de consensu ve
nerabilis fratris n(ost)ri .. Archiep(iscop)i et dilector(um) filior(um) Capituli Pragen(sis) de bonis suis fundauit erexit ac .. Precentori et mansionarijs
ipsius eccl(esi)e pro dote ip(s)or(um) altarium ac certis anniuersarijs in dicta eccl(esi)a perpetuo peragendis quandam Villam seu certos perpetuos
annuos sufficientes redditus etiam assignauit prout in Regis ac Archiep(iscop)i et Capituli predictorum super hoc confectis litteris eor(um) sigillis munitis
continetur. Quare pro parte ipsius Regis fuit nobis humiliter supplicatum ut fundationem erectionem et dotis assignationem huiusmodi con
firmare de benignitate ap(osto)lica dignaremur. Nos igitur huiusmodi supplicationibus inclinati fundationem erectionem et dotis assignationem pre
dictas ratas et gratas habentes illas auc(tori)tate ap(osto)lica ex certa scientia confirmamus et presentis scripti patrocinio communimus
Supplentes omnem defectum siquis forsan interuenerit in premissis de ap(osto)lice plenitudine potestatis. Nulli ergo omnino hominum li
ceat hanc paginam n(ost)re confirmationis et suppletionis infringere uel ei ausu temerario contraire Siquis autem hoc attemptare pre
sumpserit indignationem omnipotentis dei et beator(um) Petri et Pauli ap(osto)lor(um) eius se nouerit incursurum Dat(um) Auinion(e)
xi k(a)l(endas) februarij Pontificatus n(ost)ri Anno Secundo.