Innocentius ep(iscopu)s seruus seruor(um) dei Uniuersis xp(ist)i fidelibus presentes litteras inspecturis Sal(u)t(em) et ap(osto)licam ben(edictionem). Cum precelsa
meritor(um) insignia quibus Regina celor(um) uirgo dei genitrix gloriosa celestibus prelata sideribus quasi stella matutina rutilat deuote considera
tionis indagine perscrutamur dum etiam infra pectoris n(ost)ri archana reuoluimus q(uo)d ipa utpote mater misericordie pietatis et gratie human(i)
generis consolatrix pro salute fidelium qui delictoz onere pregrauantur sedula exoratrix et peruigil ad Regem quem genuit intercedit dignu(m)
quinymmo debitum arbitramur ut sacras eius reliquias deuotis uenerationibus uisitantes gratiosis remissionum et indulgentiar(um) muneribus prosequamur.
Cum itaq(ue) Carissimus in xp(ist)o filius n(oste)r Karolus Roman(orum) et Boemie Rex Illustris uelut princeps catholicus ad celestia Regni bona feruenter aspi
rans et que superna sapiunt diligenter inquirens nobis significare curauerit se deuotionis zelo tertiam quasi partem pepli beate Marie uirginis
quod per s(an)c(t)am Elenam ad Ciuitatem Treueren(sem) inde originem traxerit allatum fuisse et in eccl(esi)a Treueren(si) de Septennio in Septennium populo
ibidem propterea in multitudine maxima confluenti solempniter ostendi consueuisse dicitur nouiter habere secum illam proposuisse collocare
in aliqua honorabili eccl(esi)a uel Capella Nos cupientes q(uo)d d(ic)ta t(er)tia pars eiusdem pepli cum eam in eccl(esi)a uel Capella in qua idem Rex illam duxerit
ut predicitur collocandam de Septennio in Septennium ostendi contigerit congruis honoribus ueneretur et ut fideles ip(s)i eo libentius causa deuotionis ad
eam confluant quo ibidem uberius dono celestis gratie conspexerint se refectos de omnipotentis dei misericordia et beator(um) Petri et Pauli
Ap(osto)lor(um) eius auc(tori)tate confisi omnibus uere penitentibus et confessis qui ipsam eccl(esi)am seu Capellam in qua pars eiusdem pepli fuerit cum eam
de Septennio in Septennium ut premittitur ostendi contigerit deuote uisitauerint Tres Annos et totidem Quadragenas de iniunctis eis penitentiis
singulis uidelicet diebus quibus de Septennio in Septennium d(ic)ta t(er)tia pars pepli ut premittitur ostendetur eccl(esi)am seu Capellam eandem in qua eadem pars
pepli fuerit uisitauerint ut prefertur misericorditer relaxamus. Dat(um) apud Uillamnouam Auinionen(sis) dioc(esis) iij k(a)l(endas) Junij Pontificatus n(ost)ri Anno Secundo.
Guido de Aretio: