Noverint universi et ego anthonius pannifex civis nove civitat(is) pragen(sis) Tenore presencium recognosco meo heredum
et successorum meorum nomine me de domo mea et ipsius Area sita in eadem civitate inter domos pannificum et sutorum ex una
parte et Jupariorum ex altera unam sexagenam grossorum pragen(sium) denariorum census annui et perpetui ad unum cum dimidio
talentum et unum grossum honesto viro sborio plebano in ~...~ et suis successoribus dedisse vendidisse et resignasse
census in duobus terminis videlicet media sexagena grossorum in festo sancti Georij proximo et alia medietas in festo sancti Galli
deinde venturo Isto et alijs singulis annis sequentibus in eadem civitate in moneta que cursum et valorem eundem habuerit
domo et Area iam dictis et suis successoribus per me heredes et successores meos pecuniis quibus solvi debet extunc deinceps
qualibet anno adstante / Insuper si in aliquo dictorum festorum unius et in sua octava dies quilibet per unum grossum
predictus census debitus non solveretur extunc pro quolibet censu non soluto crescet duo grossi nomine pene
eademque pena deinde crescet septimana qualibet quamdiu census debitus non fuerit plenarie persolutus pro quibus
quidem censu et pena non solutis Ipse sborius plebanus et sui successores poterunt me heredes et successores meos seu
de domo et Area supradictis possessores cum Auctoritate Judicis inpignorare usque ad satisfactionem dicti premissorum In cuius
rei testimonium sigilla prudentum virorum sborij portolani Judicis nicolai sutoris et pauli helseri
consulum seu Juratorum dicte nove civitatis pragen(sis) ad preces meas presentibus sunt appensa Datum prage feria sexta
post conversionem sancti pauli Anno domini Millesimo Trecentesimo Octuagesimo Sexto