In Nomine Sanctissimae et Indiuiduae Trinitatis Amen;
Franciscus Maximilianus, cum Maria Catharina Vxore, et Petrus Ernestus fra=
tres germani, Comites de Molart, Domini haereditarij in Oslauan, ad placitum R(everendissi)mi Ep(iscopa)lis
Consist(o)rij Olmucensis, praemeditaté vouimus, et resoluimus, parochiali Ecclesiae Oslauan(en)si
sacellum, ad majorem Dei gloriam, ac S: S: Sebastiani Martyris et Rocchi Confessoris
incorporari, vt dicta Ecclesia, ad capiendum populum satis angusta, reddatur amplior
et populi deuotio frequentior; vtq(ue) hoc nostrum votum, firmos in omnem Mundi aeta=
tem consequatur effectus, piâ et haereditariâ fundatione legamus, Nos et nostros in
haereditate successores in perpetuum obligantes, vt dictae Ecclesiae incorporati Sacelli
sacelli dicimus sarta tecta, et debitus ornamenti decor forinsecus et extrinsecus serue=
tur, ac duodecim floreni currentes ad valorem octo Imperialium seu thalerorum annué
soluantur. Pro quibus volumus, vt in dicto Sacello, duo sacra per mensem, vel a Rectore
Parochialis Ecclesiae, aut Eius Capellano in praestantissimum Relligionis actum Divinae M(ajesta)ti
debitissimum, deuoté ac religiosé celebrentur, super quibus Conscientiam Deseruientis oneram(us)
Legatos vero duodecim florenos ex bonis nostris Oslauariensibus et haeredum seu successorum,
sine vlla contradictione, exceptione aut tergiuersatione solui in perpetuum statuimus; Subijcim(us)
etiam quoscunq(ue) hoc tam pium votum mutilantes aut impedientes solitis de jure et Consuetudine
poenis et maledictionibus, illud vero religiosé et debité seruantibus, promouentibus, exequentibus,
diuinae benedictionis participationem, omnisque desiderabilis boni profectum apprecamur, haec
omnia Sigilli et manuum signaturâ confirmantes. Viennae vigesimâ quartâ Maij Anno Domini mille=
simo sexcentesimo octuagesimo.
Franciscus Maximilianus
Comes de Molart
Petrus Ernestus Comes de Molart
Maria Catharina Comitissa
de Mollart