NOS CONSVL ET SENATVS REGIAE VRBIS
Brunae in Marchionatu Moraviae Tenore praesentium Notum facimus et
palam attestamur, Quod postquam Nobis Perillustris Dominus Franciscus Bernardus Eques de Mayrswaldt per Man
datarium ad hoc specialiter instructum D(ominum) Ferdinandum Krabath, iuratum Marchionatus Moraviae Sollicitatorem decenter exponi fecit, Fide digno eundem legiti
mi ortus seu Natalium egere Veritatis Testimonio, et in hunc finem honoratos Viros, ut Testes fide dignos et omni exceptione majores nominans, videlicet Praenobilem Dominum Ioan
nem Ignatium Pechau, concivem et Virum Nostrum Consularem annorum 62. et Iacobum Specht, pariter concivem 55. annorum, ambos Catholicae Fidei Religiosissimos cultores, qui
in Curia nostra loco, ad hoc destinato, personaliter se sistentes, capite detecto, ac erectis digitis supra Crucifixum locatis accensisq(ue) candelis, solitum Veritatis
dicendae praestiterunt Iuramentum, integraq(ue) fide primo seorsim, deinde verò simul in praesentia duorum ex Senatu Nostro ad hunc actum cum Vice Syndico deputato
rum asseverunt, et attestati sunt, sibi probè adhuc constare Dominum Ioannem Bernardum Mayr de Mayrswaldt, cum Praenobili lectissimaq(ue) Conjuge sua Barbara Eleonora
nata Flammiana praeter propter ante triginta annos, in Ecclesia parochiali ad S. Iacobum hic Brunae, a Tit(ulari) Reverend(issim)o ac Eximio Domino Guilielmo Mannenbach Ord(inis) Eremit(arum)
S. Augustini S. S. Theol(ogiae) et I. V. L. Prothonot(ario) Ap(osto)lico et ad S. Thomam Priore perpetuo, ut pote tunc Brunensium Parocho, copulatos et benedictos fuisse, Ex quorum
Conjugum legitimo thoro deinde supramemoratus Dominus Franciscus Bernardus Mayr de Mayrswaldt hic Brunae Anno Millesimo Sexcentesimo octuagesimo primo natus, et
Tertia Februarij in praedicta Ecclesia Parochiali ad S. Iacobum à praefato Reverend(issim)o ac Eximio Domino Guilielmo Mannerbach Tit(ulari) tunc ibidem existente Parocho baptiza
tus fuit; Quem admodum Authenticum Testimonium desuper per Admodum Reverendum ac Eximium Dominum Matthaeum Ignatium Scholtz, nunc existentem hic Brunae Paro
chum, coram nobis productum, luculenter comprobat, quod saepedictus Dominus impetrans à praememorato Titul(ari) Domino Guilielmo Mannenbach Anno 1681. die 3.tia Februarij
Baptizatus, isq(ue) ex Sacro Baptismatis Fonte, à Perillustri Domino Gregorio Ignatio Koschinsky Equite de Koschin quondam Regij Tribunalis Assessore, et
Praenobili Domina Maria Elisabetha Herdotin de Todtenfeldt tanqvam Patrinis levatus fuerit. Tandem supramemorati Testes sub prae
stata Fide asseverunt, addentes insuper rationem scientiae suae talem, se videlicet praenominatos conjuges tam ante, quam post initum Matrimonium optimè novisse, et saepiùs
cum ijsdem familiariter, et aliàs conversatos fuisse, prouti etiam dictus Dominus Franciscus Bernardus Mayr de Mayrswaldt, ab ipsis testibus, nec non ab omnibus alijs
hominibus, non minus, quàm ab ipsis parentibus pro vero et legitimo eorum Filio semper habitus, agnitus, et tractatus fuerat. Cum itaque super prae
missis, Fide dignum à nobis petitum sit attestatum, hinc praesentes desuper confectas Sigilloq(ue) Civitatis Nostrae appenso roboratas Testimoniales litteras Communica
vimus, et dedimus Brunae die Vigesima qvinta Januarij Anno Millesimo Septingentesimo qvarto.