Nos Maria Theresia Dei Gratia Romanorum Imperatrix Vidua,
Regina Hungariae, Bohemiae, Dalmatiae, Croatiae, Slavoniae, Galiciae, Lodomeriae &c. Archidux Austriae, Dux Burgundiae, Magna
Princeps Transylvaniae, Dux Mediolani, Mantuae, Parmae &c. Comes Habsburgi, Flandriae, Tyrolis &c. Lotharingiae, et Barri Dux, Magna Dux Hetruriae &c. Praesentium tenore
notum facimus, Nos ob pietatis, doctrinae, aliarumque virtutum Commendationem devoto Fideli Nobis Dilecto Josepho de Jurain Canonicatum domicillarem quintum in Ecclesia
cathedrali S.S. Apostolorum Petri et Pauli jure Patronatûs Nobis quà Regi Bohemiae, et Marchioni Moraviae competente clementissimè contulisse. Eapropter à Vene-
rabili, Illustri, et Magnifico, Devoto Fideli Nobis Dilecto Mathia Francisco Comite Chorinsky Libero Barone de Ledske, Episcopo Brunnensi, tanquam Loci Ordina-
rio clementer postulamus, Devotionis verò Suae in Spiritualibus Administratori, et iis, ad quos jus investiendi pertinet, mandamus, ut supradictum Josephum de
Jurain, vel ejus Procuratorem legitimum in realem et actualem possessionem praefati canonicatûs introducant, vel introduci faciant, dantes et assignantes ei
Stationem consuetam in Choro, et Votum in Capitulo, caeteraque omnia de jure, vel consuetudine antiquitus observari solita. In quarum Fidem praesentes Lit-
teras manu Nostra propria subscripsimus, easque Sigilli Nostri Caesareo-Regii, et Archiducalis appensione communiri jussimus. Quae dabantur in Civitate
Nostra Viennae die 16a Mensis Maji. Anno Domini millesimo septingentesimo septuagesimo octavo. Regnorum Nostrorum trigesimo octavo.
Maria Theresia