Dilecte Fili salutem et Apostolicam Benedictionem. Apostolatus Officium meritis licet imparibus Nobis ex Alto commissum quo Ecclesiarum omnium regimini Di
vino consilio praesidemus, utiliter exequi cupientes solliciti corde reddimur et solertes, ut cum de ipsarum Ecclesiarum regiminibus agitur committendis ta
les eis in Pastores praeficere studeamus qui populum suae curae creditum sciant non solum doctrina verbi sed etiam exemplo boni operis informare, commissas
que sibi Ecclesias in statu pacifico, et tranquillo velint et valeant, auctore Domino salubriter regere ac feliciter gubernare. Dudum siquidem provisionem
Ecclesiarum omnium tunc vacantium, quaeque in posterum vacaturae Ordinationi et dispositioni Nostrae reservavimus, decernentes irritum et inane
quidquid secus super his a quoquam quavis auctoritate scienter vel ignoranter contigerit attentari. Postmodum vero Episcopali Ecclesia Brunensi cui bo. me.
Ernestus Schaffgotsche ultimus illius Antistes praesidebat, per obitum ejusdem Ernesti extra Romanam Curiam defuncti Pastoris solatio destituta,
Nos ad ejusdem Ecclesiae provisionem celerem ac felicem, in qua nemo praeter Nos se potuit seu potest immiscere supradictis reservatione, et decreto obstan
tibus, ne illa, hisce praesertim luctuosis Ecclesiae temporibus, longae vacationis exponatur incommodis, paterno ac sollicito studio intendentes, ad Te
dilecte fili quem Carissimus in Christo Filius Noster Franciscus Josephus I Austriae Imperator, Bohemiae et Hungariae Rex Apostolicus Nobis ad
hoc per suas litteras nominavit, quemque eximia pietate spectatum egregiisque praeditum animi, et ingenii dotibus, Zelo domus Dei, sempiternae
animarum salutis sollicitudine, doctrinae laude, rerum sacrarum notitia, prudentia, consilio summopere commendari novimus, oculos mentis Nostrae
convertimus. Hinc rebus omnibus debita ratione perpensis, Te, dilecte fili a quibusvis excomm(unication)is suspensionis, et interdicti aliisque ecclesiasticis
sententiis, censuris et poenis quovis modo, vel quavis de causa latis si quas forte incurristi hujus tantum rei gratia absolventes, et absolutum fore cen
sentes, eamdem Brunensem Ecclesiam de persona tua Nobis ob praeclara tuarum virtutum merita accepta Apostolica auctoritate Nostra hisce provi
demus, Teque ab defectu gradus Doctoris Ap(ostol)ica item auctoritate Nostra solventes, memoratae Ecclesiae Brunensi in Episcopum praeficimus et Pa
storem, curam regimen et administrationem ejusdem Ecclesiae tibi in spiritualibus ac temporalibus plenarie committendo, in Illo, qui dat gratiam
et largitur dona confisi, quod dirigente Domino actus tuos p(rae)ta Ecclesia per tuae circumspectionis industriam, et studium utiliter, et prospere
dirigatur grataque in iisdem spiritualibus, ac temporalibus Orthodoxa religio suscipiat incrementa. Jugum igitur Domini tuis impositum hu
meris prompta devotione animi amplectens, curam et administrationem p(rae)tam ita studeas fideliter prudenterque exercere, ut Ecclesia praefata
provido se gaudeat gubernatori, ac fructuoso Administratori fuisse commissam, Tuque, praeter aeternae retributionis praemium, Nostram
quoque et dictae Sedis uberius exinde consequi merearis benedictionem et gratiam. Ceterum ad ea, quae in tuae cedere possunt commoditatis
augmentum favorabiliter intendentes tibi, ut a quocumque quem malueris Catholico Antistite gratiam et communionem sanctae hujus Apo
stolicae Sedis habente, accitis, et in hoc illi assistentibus duobus aliis Episcopis similem dictae sedis gratiam et communionem habentibus mu
nus Consecrationis recipere libere ac licite possis et valeas, ac eidem Antistiti a Te prius Catholicae Fidei professione juxta articulos pridem a Sede
nostra proposita, ac Nostro, et Romanae Ecclesiae nomine fidelitatis debitae solito juramento, prius munus tibi auctoritate Nostra impendere
licite valeat plenam et liberam hisce litteris tribuimus facultatem. Volumus autem atque decernimus, ut, nisi receptis a Te prius per dictum An
tistitem juramento, ac professione Fidei hujusmodi, idem Antistes Consecrationis munus tibi impendere, tuque illud recipere praesumpseritis,
dictus Antistes a Pontificalis Officii exercitio, et tam ipse, quam tu a regimine, et administratione Ecclesiarum vestrarum suspensi sitis eo ipso. Non
obstan(tibus) Ap(ostol)icis, ac in Universalibus, Provincialibus et Synodalibus Conciliis editis generalibus, vel specialibus Constibus, et Ordinationibus, necnon
dictae Ecclesiae Brunensis etiam juramento, confirmatione Apostolica, vel alia quavis firmitate roboratis statutis, consuetudinibus, ceterisque
contrariis quibuscumque. Datum Romae apud S. Petrum sub Annulo Piscatoris die XXIX Novembris Anno MDCCCLXX.
Pontificatus Nostri Anno Vigesimoquinto.
N. Card. Paracciani Clarelli