Ich Niklas die zeit pharrer zu sand Niklas zu Znoym Bekenn offenleich mit dem brief allen die In sehent lesent oder horent lesen gegenburtigen vnd zu
künftigen Das ich hab angesehen die andachting begier zu merung gots dinst der erberen vnd weysen des Burgmaister vnd des ganzen Rates hie zu Znoym
die In meiner kirchen gestift habent ein ewige frümess zusingen Also dz sy sich in off der kirchen berufft ist mit mir vnd zu mir irn eho laren die stat phar
herr die zeit burgmayster Cristan Spignagl Richter Johannes pilgreym Vlreich pogner Leopold von dewtschenbrod Paul blae Vndre pachel Paul
hostradizer Parthaus smid Peter pogner Vnd die andern gesworn des Rates der Stat zu Znoym Bekennen vnd tun kund allen den die den
prief sehent lesent oder horent lesen das wir nach vnderweysung vnser elter mit guter vorbetrachtung ayntrachtichleich bedacht haben den priester in vnser pharr
kirchen da zu sand Niklas das da nicht tagleich ein frümess gesungen wirt Sunder nur drey tag in der wochen das ist an dem Suntag vnd Sambstag als
von alter der pharr gewonhait ist gewesen zusingen vnd an dem phinztag vo gotsleichnam als die pruderschaft gestift hat zusingen Nu wellen wir In
dem namen gotes stiften das hin fur auch an dem montag eritag mitichen vnd Freitag in einer yaleicher wochen vnd also all tag tagleich vnd ewicleich schol
daselbs die frümess an vnderlas vo der hochgelobten künigin Jungfrawen marien gesungen warden Aussgenummen den phinztag an dem man die frümess
vo gotsleichnam singt vnd den Suntag als vo alter gehalten ist warden Got dem herren vnd allem hymlischem her zu lob vnd zu eeren vnd zu hilf vnd
zu trost den selen von den das gut chömen ist des wir nu geweltig sein vnd das dar zu ayguen vnd geben wellen vnd allen gelaubign selen zu derledigung
vnd der hiegen Stat zu Znoym zu einem ewigen frid vnd beschirmung wider all Ir veynt die nu laider zumal vil in den zeiten der alt helischer veynt wider
vns vnd all trew christen durch den chezer hussen gehetzt hat dorumb pilleich schol die kenant mess vo der muter gots gesungen werden die das liecht der
warhait Cristum den herren aus Irem magtleichem leib in dise welt aussgossen hat die alain den falschen irrsail vnd allen vnsern teubsail mag genedicleich
wenten Das zu volbringen So aignen wir vnd geben dreissig vnd hundert schok grossn gute gelts zu der eegenan frümess Also das herr Niklas vnser
pharr hie zu sand Niklas vnd all sein nachkomen pharr dreizehen schok gross ains all Jar iarleich halb zu sand Jorgen tag vnd halb zu sand michels tag
vnüczogenleich do vo aufheben scholen von gewissen frumen lewten den das der eien Rat hie der Stat der yez ist oder hernach chüftig wirt mit wol vbirait sicher
hait ausleichen wirt vnd die prief in haben wirt Das dem pharr sein iarlicher zins an vnderlaz gevallen schol vnder einer püz als in den vnd in allen briefn
vnser Stat zu Znoym gewonhait hat die zins lewt gemayntleich vorpindn vnd vorschreibn Das dem pharr dieselbn sein zins lewt scholen also vuallen als
in den selbn briefen begriffen vnd vorpuzt ist wen sie den zins nicht gaben oder damit vzgugen nach seiner oder seines gewissen potes vordrung Also dz
schaidenleich das hin fur ewicleich ein yaleicher pharr da zu sand Niklas vber dise priest die er ee hat gehabt mer ein erbn vnd frumen laipriest haltn schol
das ist den funften vnd dem yntleuz tun schol durch der vorgeschribn mess willn das die dester stäticleich tagleus frue in der margen dze zeit ganz vnd
gar mit Agnus dei zc gesungen schol werden vnd mit allen dem als gewonleich ist ein ganze mess zu singen den an dem Suntag so mag man sey kürzen
durch der predig willen Auch in dem Aduent vnd in den acht tagen gots leichnams schol die pruderschaft fur die frümess steen als vormalsn ist gewesn
vnd aussgenumen etleicher tag in der martwochen in der man in einer yalicher kirchen nur ein mess gewonhait hat zuhalten darzu habn wir bestelt vnd geschikt
zu minsten vier gesellen aus vnser schul hie zu sand Niklas die das vorberürt vnser frawe ambt lobleich vnd mitleileich nicht zu kurtz vnd auch nicht zu lang
staticleich singen scholen nach der zeit in halung vnd der kirchen guter gewonhait den wir dorumb auch ewigs zins drey schok gross all Jar getailt in vier Qua
tember durch ein yaleichen zechmaister hie zu sand Niklas von dreissig schokn grossn zugeaigent vnd darzu gefugt geben scholen werden an vzechn vber
den zins dz sy vormalen von disen messen die sie all wochen gesungen habent gepurt hat dorumb das man vnser Stat chinder die frümess zusingen vbeibe
den schol alain an dem Sambstag da sie all singent als voz alter gewesen ist Geschach aber das der vorbenat her Niklas pharr oder yaleicher seiner nachchömling die
vorgeschribn mess mer also als gemeldet ist warden vorbesen wolt vnd das nicht beweist dze sy erhaft nat gehindert hiet Also oft das geschach als oft ist derselb pharr
der zuder zeit wurd an all wider red dem Rat ein vierdung grossn vuallen zugebn Geschach aber die sawmpnüss zu de andern mal so schol er zwen vierding gebn
vnd zu dem dritten mal drey vierding Geschach aber die sawmpnüss oft also das den Rat des widrub So hat derselb Rat welicher zu der zeit hie in der Stat wirt
vollen gewalt des vorgenan zins mit sambt de haubtgut wo er das vindet sich zu vnderwindn vnd das alswö anlegen wo vnd Im am aller pesten dunkhen
wirt vnd damit hat er wider iemant missegepart noch getan dorumb auch kein pharr schol noch mag dem Rat vnd allen sein nachchomen des Rates geswo
ren weder mit geistleichem noch mit weltleichem rechten zu sprechen noch zu sachen schol Also das vor dem vaiden rechten der Rat mit sambt der ganze Stat
scholen vmb die sach geüet vnd sicher lewt peleiben Geschach aber ein vorziehn dem pharr an seine zins also das In der nicht zu recht zeit geraicht wurd
So schol er das oder sein pot an vnsern Statrichter pringn der schol Im furderleich beholfen sein das Im seine zins an vorziehn aussgericht werde Gefiel Im
dozu der sein zins nicht vnd das den ander mess ein sawmpnüss oder aufzoug geschach des schol der pharr vnschuldig sein Auch ob kein ander zwysstracht
leut krieg oder stöss zwischn dem pharr vnd dem Rat wurden So schol die mess dorumb nicht abgen sunder sie schol stät em furgank habn Vnd ob der gan
zen Stat das singen wurd inderleget des schol der pharr mit sambt den schulgesellen aber nicht engelten an Irem zins Geschach aber ein sawmpnüss von
der schulgesellen wegen das die nicht singen wurden So schol der priest der zu dem ambt geschikt ist warden das lesind volpringn vnd das wir selbn
mit sambt vnsern schulmaister den preisten zu den denan gesellen wider wenten vnd pessern das das alles als oben In dem prief regriffen ist in zuyro
then vnd stat vo vns vnd vnsern nachkomen ewicleich peleib So bestatigen wir den prief mit vnserm grossern Stat Insigel das wir daran gehangt habn
zu einer iwozer vrkund vnd der sach ewig zewgnüss der geben ist nach Cristi gepiud vierzehen hundert Jar vnd dornach in dem dreissigistem Jar an vnser
frawen tag Ntiuis das ist in dem Ene Dorumb ich obgenant Niklas pharr alles das als oben In dem stiftbrief begriffen vnd gemeldet ist warden ganz
vnd gar in dem yalichen stük dar In gäb fur mich vnd fur all mein nachkomen pharr do zu sand Niklas mit meiner guter trewen an alles geüer stat vnd
vnqubrochen ewicleich halten vnd voran die püz zu leiden ob ich oder mein nachkomen nicht das ambt also volpruchten als oben in dem Stiftprief gemel
det ist warden dorumb hab ich gepeten meine gnedige hren hren Zachariam die zeit Abbt zu pruk vnd den ganzen Conuent daselbs das sie mit sambt mir
Ir Insigl an den prief habent angehangen der sach zu einer iworhafter gewgnüss vnd ewig bestatigung der geben ist nach Cristi gepürd vierzehen hundt
Jar vnd dornach in dem dreissigistem Jar an vnser frawen abent Assumpcionis der scheidung