Ich ybein ze Neumburch chlosterhalb vnd ich Elspet sein hausfraw vnd ich Jacob sein bruder vnd ich Elspet sein hausfraw
vnd ich Hainreich der vorgenanten paiden bruder vnd ich Kater sein hausfraw vnd ich weigand den driten ybeins hof
herre vnd ich Abraham vnd all vnser erben vergehen vnd tun chunt mit disem brief offenleichen daz wir all vnuer
schaidenleichen gelten sullen dem Erwirdigen geistleichem herren her Hainreichen dem abten Apt vnd dem conuent gemain
ze Hohenfurt acht phunt wiener phenninge do sy vns mit verayntem willen funf virtayl weingarten ze chaufsen vmb
gegeben habent vnd ligent in dem purhperige genant Lynharten von erbesprunne do man von dient drey emmer
weins vnd drey stauff gepurhrecht vnd dritthalb phenninge ze voitrech vnd nicht mer den sullen auch in von den
ogenanten acht phunten ligen alle iar ayn phunt an sand Marteins tage in irn hofe ze Rulsdorf wer do ir anweys
ist mit alle den nuzen vnd rechten als man ander purhrecht dient in Osterreich Tun wir des nicht so sol sich
der selb dienst ye vber virzehen tage dar nach aufpilden als ander sezen dienst recht ist Wir segen in auch payde
fur di acht phunt vnd dienst vnd gultgult zephant di egenanten funf virtayl weingarten mit vnser aller gutleichem
willen vnd mit vnsers purhmaister hant her wlsenten auf dem Anger zden zeiten Amptman in Rulsfotten von
Liechtenstayn vnd sein auch wir alle des selben phunt geltes auf den egenanten funf virtayl weingarten recht gewer
vnd schirm als landes recht ist vnd purhrechtes recht in Osterreich vnd swer dem conuent gemain dar an ab get
daz sullen sy haben auf vns vorgenanten allen vnuerschaidenleichen ab aynem auf den andern vnd auf alle dem
daz wir haben wir sein lebentig oder tod wir haben durch recht vnd vreiwal swann wir mugen oder wellen im
iar swelher der ist vnder vns der do geit sein tail awoz den acht phunten was in an puert vnd den dienst dar
auf do ist er ledich vnd vrey awz disem brief an all wider red vnd sullen im des di herren oder ir anwalt
stat tun Vnd geben dar vber dem egenantem her Hainreichen dem apt vnd dem conuent gemain zehohenfurt
disen brief vfsigiltn mit vnsers egenanten purhmaister gnsigil her wlsenten auf dem anger vnd mit des
Erbrn mannes insigil her Jacobs seines bruder zden zeiten stat Richter den wir zu diser sache gezeaugen peten
haben Der brief ist geben nach christi purd dreuzehen hundert iar vnd im dreu vnd funfzigisten iar an sand
Veites abent