In nomine domini Amen Ego Johannes plebanus ecclesie in Herczicz coram vniuersis presencium tenore profiteor
publice protestando me ab honorabilibus et religiosis viris et dominis Petro abbate Martino priore
Przibudone celario totoque conuentu monasterii in Altouado ordinis Cisterciensis dyocesis pragensis vnam
domum cum Aquis et pratis ac omnibus aliis vtilitatibus vniuersaliter ad eam pertinentibus iuxta domum meam
ibidem in Herczicz contigue situatam pro quatuordecim cum medio talentis grossorum denariorum pro mea
et meorum successorum plebanorum in Herczicz vtilitate et perpetuo dominio vero empcionis titulo hereditarie co(m) =
parasse Condicione tali notabiliter expressa quod nullus in eadem domo sine speciali licencia et assensu
prefatorum dominorum de altouado vinum vendere debeat propinare Eciam quocumque tempore inter quoscumque
homines in ipsa domo quod absit litigia et dissensiones fierent uel orirentur ad sedandum et pacificandum
eadem iudex uel alius eciam laicus ex parte prefati ipsorum domini nullam eciam armata intrando omnes
discordes et maleficos arestare prout in opido et licite in eadem eciam sine mea et meorum successorum
omni uoluntate quicquid autem domini prefati pro iudiciis et excessis talibus uel quibuscumque aliis dare debuerit
hoc non monasterio uel eius iudici aut aliis eorum officialibus sed michi et meis successoribus plebanis in Herczicz
tamquam suo pro dominio tribuere optabunt In cuius rei robur perpetue dimittitur Sigillum meum
et ad meam instanciam singularem nobilium virorum Petri et Johannis fratrum dominorum de Rogenmberch
consociorum eorum liberorum plebani in Chrumpnaw Johanne plebani de Rogenmberch Sigilla pro ma =
iori testimonio presentibus sunt appensa Datum in Chrumpnaw Anno domini millesimo trecentesimo
octuagesimo in die translacionis sancti Benedicti