Ich Triftan pekh von prunn Ich Simon Smukh von Erestorf Ich Thaman chuchant von prunn vnd ich hanns Vendl
von Erestorf Veriehen mit dem offen brief Als vns d(er) Eerwirdig geistleich h(er)r her pauls probst ze klosterneub(ur)g vnd
sein Conuent jren weingartn genant d(er) waldtynger gelegn ze Erestorf des anderthalb jewch ist auf vnser vier leib
vnd lebtag vnd nicht lenger inbestanndweis habnt vlassen nach jres briefs jnnhaltung vns darub gegebn Also
gelobn wir denselbn vnsern h(er)rn dem probst seim Conuent vnd nachkumen das wir denselbn vorgenantn weingartn
mit guetn mitterparn all gewondleich weingartarbait sulln arbaitn vnd pauen getreulichn vnd vngeuerlich vnd jn
alle jar an sand Cholmans tag dauon diem in jrn hof ze krembs ain pfunt wiend pfening vnd zway huner vnd auch
den zehent der jn zuegepurt treulich dauon gebn an all widerred Vnd ob wir jn den vorgenantn dienst nicht gebn
vnd verrichtn woltn so hat jr hofmaist(er) od(er) anwalt gewalt vns darub zepfendn auf dem vorgenantn jrem weingartn vnd
auf alln andrn vnsern guet vngeuerlich so verr vnd als lang das sy alles vnsers zinns vnd schadn gancz entricht wrden
Sy mugn auch od(er) jr hofmaist(er) an ir stat yedes jars zwen erber man zu pfingstn vnd zu sand Stephans tag im snydt
in den egeneltn weingartn schickhn vnd den besuchn lassen Erfund sich dann mit solher bschaw das dem weingarten
aine od(er) merigere arbait dezogn vnd nicht zu yed(er) recht(er) zeit gearbait war So habnt sy od(er) jr anwalt an jr stat gewalt
vns darub zepfendn vnd zepessern an dem vorgenantn weingartn so verr vnd als lang das jn vmb soliche vsaumb
te arbait ain genuegn geschech Wer ab(er) das wir solich pesserung nicht gehorsam seyn od(er) ab d(er) nicht achtn woltn das sich in
dem nachstn jar darnach auch erfunde so sein wir von alln vnsern rechtn vnd sy mugn sich auch des vorgenantn weingartn
wol vndwindn vnd jrn frumen verrer damit schaffn an vnser vnd all vnser frewnt vnd mennleichs von vnsern wegn
jrrung vnd wid(er)sprechn Wir mugn auch vnsere recht mit jrem willn vnd wissn wol vkauffn aine(m) andrn od(er) merigern
vnser genossn der jn darzue nucz vnd fuegleich ist in den rechtn als wir gehabnt habn Vnd wann dann geschicht das
d(er) lest leib vns(er)r mit tod abgangn ist So ist jn d(er) egenelt weingartn an jrrung vnser erbn vnd frewnt vnd mennleichs
von vnsern wegn ledig wordn Doch ob d(er)selb lest leib den vorgenantn weingartn mit d(er) erstn arbait begriffen vnd
den gearbait hiettn So sulln vnser erbn vnd frewnt den furbas vncz auf das lesn jnnehabn pauen nuczn vnd niessen jn
alln den rechtn als wir bej vnsern lebtegn solich getan haben vngeuerlich Mit vrkhund des briefs den wir jn darumb
gebn besigeltn mit der Erbern weisn Thaman des Telnpekchs vnd Iacoben des Slat(er) paid anhangundn jnsigeln
die Sy durch vns(er) vleissig gepet willn zue zewgnuss der sach an den brief gehangn habnt Doch jn vnd irn erbn an
schadn Darumb wir vns mit vnsern trewn pinden alles das war vnd stat zehabn das an den brief geschriben ist
Der gebn ist an sand Cholmans tag Nach kristi gepurd vierzehnhundert jar vnd darnach i(n) dem Acht vnd dreissigistn jare