Wir Paulus Von Gotts Gnaden Abbt zu Hohenfurth, Lienhardt
Prior, Wenceslaus Subprior, Toman Kelner, Und dast Gantze Conuent
daselbst, Bekhennen mit dem Offnen brieff, Wo der Verlesen wirdt,
daß die Erben Michel Kornernickl, Konter Eysling Und maysser mit
Unß haben ein Abbruch gemacht Von Wegen Vier fleischpenckhen, So Jeder
eine hatt, darVon sie etlich Jahr khein Zins geraicht haben, sonder gesagt
deßhalb frey zu sein, so sie doch nit haben mögen darbringen, darumb
sollen sie Unß Järlichen auf Unsern Glaßhoff zu Sanct Martin tag
Jeklichen in Sonderheit raichen fünff Pfundt Unschlitt, dergleichen
all Jren nachkhommen, thetten sie aber solches nicht, wärn sie Unß die
fleischpenckhen Verfallen. Mit Urkhundt geben wir Jnen disen brieff,
Besigelt mit Unsern baiden khain fürgetruckhten Jnsigeln. Geben
nach der Geburth Christi Jm Tausent Und ein Und sechtzigisten
Jahr.