Catalogue de recherche

Explorer les chartes

Commencez par une recherche simple. Affinez-la seulement lorsque la question scientifique l’exige.

1469_VI_27

CZ-KAVB > VYBRO > 1469_VI_27

Source : MonasteriumPaléographie IAInterprétation IA
Page 1 / 3
1469_VI_27, page 1
Vue
Transcriptiongemini-3.1-pro-preview
Wir Thoman von gots gnaden Abbt des gotshaws zw Hohenfurtt Vnd gemainklich der gancz Conuent daselbs Bekennen vnd thun kund offenlich mit dem
brieff alln den er furkumbt das wir vnnsunderlich mit einander schuldig sein vnd gelttn sulln Dem Edln Hannsen Veller von Ennssaw vnd alln sein
erben ader wer den brieff mit seim guttn willn ynnhät funfczigk gutter vngrischer guldn gerecht an gold vnd wag Dye er vns zw vnsers vnd vnsers
Gotshaws anligunder vnd gnedlicher notturfft vnd nach vleissiger gepet all berait gelihen hat Der wir sy vnuerzogntlich ausrichtn vnd peczalln sulln
vnd welln mit peraiten rechten guldn gut an gold vnd wag Vnd sunst mit kainerlay werd nach offenwertt auff Sand Michelstag schirst vnd
nachstkunfftign Zw passaw In der Stat In all wagkniss verpot saumniss errung mue vnd schadn getrewlich vnd geuerlich Vnd zw pesser sicherhait
haben wir Im zw rechten pfantschafft eingesezt Von erst ein Silbreine toffel nebn vnd ynnen vgolt mit einer rosen darInne peralln Vnd mit baillamb
gefast Auch oben darauff In dem Ort sand Johannspild vergolt der hat sand Johanns hawbt yn der handt Vnd In der mitte ein Engel mit ainem kreutz
lein darInne reliquien vnd ist an dem fuess In prochn Vnd an dem andern ort ist sand Wenczlas pild mit einem silbren tefthlein darInne dann stet ein
Swarczes ader Grot auff zwain vergoltin lebn wigt als ains vnd zwainczig markh silber Auch mer ein silbrene vergolte taffel mit sand
Maria Magdalena pilde yn der mitt vnd an yedem ort Zwen engel auch vergolt wigt dreyczehn markh vnd Zway lotth In silbren marung Ob
wir sy der bemelttn Summa guldn auff dy Zeit vnd Inmassen wie vorstet nicht ausrichten vnd beczalen was sy des darnach schadn namen sy wer
mit Zerrung potenlon nachraisen an leibn fuder mit gelaittgelt ader wie der schad ymmer genant gehaissen ader gezelt werdn künne ader mocht
kainerlay schadn aussgenomen In solicherlay woran darvmb Zugelawben Dy selbn schadn all Zusampt der hawptgut sulln sy vor alln andern
leuttn vnd geltern Vnd vor aller manigfaltig habn vnd bekomen zw vns vnserm Gotshaws vnd nachkomen Rucks auff den obgestimbttn Zwain
Taffeln sein pfantschafft vnd vnnaffhaidenlicher auff aller vnser vnsers Gotshaws erb gultter vnd gutten varund vnd ansligund kaimen auch in
edtlich besundere statts aussgeschaidn sy Ind sein erben habn auch macht vnd gewalt Ob wir sy auff den obbestimbttn tag nicht beczaltn dy zwo
Taffeln verren zw verkumern ader Zuwseczen vmb dy bemeltt Summa gulden Vnd was er des schadn genomen hat an vnsers vnd maynclichs
von vnsern wegn Irrunng vnd widersprechn vngemainclich daby sy alsdann alle Ire recht gaistlichs vnd weltlichs gancz erlangt behabt
vnd geunnen habn Vnd wir do wider gancz vnrecht vnd verlorn an all arigelist vnnderschleiffnlich vngeuärde Darvmb Zw waren
steten vestn vnd gutter vrkund Gebn wir In den brieff mit vnsers Conuents anhangunden Insigeln So haben wir gepettn den wolgebo
rnen herrn herr Jan von Rosenbergk Obristen hawbtman des künigreichs ze Behaim vnsern gnedign herrn mit des erlawben gunst vnd willn wir
solh Taffeln verseczet haben Das er sein Insigel In vnd sein erben anschadn auch an den brieff gehangen hat vnd verpinden vns darvmb
vnnerschaidenlich zw einander fur vns vnd all vnser nachkomen war vnd stät zw haldn Inhaltung des brieffs Der geben ist am freitag
nach sand Johannstag zw Sunnebentn Nach cristi geburde In vierczehenhundert vnd dem newn vnd Sechczigisten Iar

Balisage scientifique de la transcription

(text)
Abréviation développée ; les lettres entre parenthèses sont restituées.
~text~
Incertitude mineure.
|text|
Incertitude importante.
¦text¦
Lecture fragile.
<text>
Reconstruction contextuelle non visible avec certitude.
# / #3w
Écriture visible mais illisible.
^3w^ / ^2l^
Passage physiquement manquant ou endommagé.