Catalogue de recherche

Explorer les chartes

Commencez par une recherche simple. Affinez-la seulement lorsque la question scientifique l’exige.

1528_V-VI

CZ-KAVB > VYBRO > 1528_V-VI

Source : MonasteriumPaléographie IAInterprétation IA
Page 1 / 3
1528_V-VI, page 1
Vue
Transcriptiongemini-3.1-pro-preview
Wir Johann von Rosenberg, Obrister Czaisser, sambt Johanns Erben, Im Kunigreich Beheim, ic(h) unnd diser Zeit, unnser unnd unnser gebrüder gueter Regierunnder Herr, des Hauss Rosenberg,
Bekhennen für unns, unnsere gebrüder, Herren Josten, unnd Herren gebrüder, Herren von Rosenberg unnd all unnser nachkhomen, offennlich mit disem brieff, wo der furkhombt,
nach dem Hierschen des wolgebornnen Herren, Herren Petern, des Elltern von Rosenberg, unnsers freüntlichen lieben Vettern seligen, an ainen, unnd des Erwirdigen in got, Vatter unnd
Herren, Herren Cristoffen, Abbte unnd Convent, unnser unnd unnser vorfaren, Stifft Hohennfurt, annderstails, ain aufrecht, Zwayen höf, beschehen ist, wie hernach volgt. Erstlich das unnser
freüntlicher lieber vetter, Her Peter von Rosenberg seliger, von obgemelltem Herrn Abbte unnd Convent, Khäufflichen khaufft, unnd bezallt hat, Zwen höf Züm Hämmerer, umb ainen der
Herren höf Züm Hämmerer genant, geben achttundsechtzig schock meichsner, unnd den anndern der Hierschafft hof daselbs, dreissig schock unnd dreissig groschen meichsner, Item unnd
dy Zwen höf achttundneünzig schock, unnd ain halbs schock meichsner, unnd dy ganntz völigkhlich entricht unnd bezallt, unnd solich Zwen höf, dy dann dem Herrn Abbte, Con=
vent, unnd gotshaus Hohennfurt, mit aller unnderthenigkhait, unnd Obrigkhait, Züegehörnnd, unnd Zinsper gewesen sein, den nachpern Zü Rädosthowitz gegen hür ain wiesse, was In=
en aufgewachssen ist, widerumb unnd unnd wisennd, mit dem wald gelegen Zwischen passaw unnd pfaffaw, der do haisst der pfaffawer teich, Item dy vorgenellten Zwen höf
sein pflichtig, unnd Zinsper gewesen, Jerlichen Zins Zügeben, in das kloster Hohennfurt, ain schock groschen behemisch, Nemlich halben tail dreissig groschen behemisch, Zü Sannd Ior=
gentag, unnd den anndern halben tail, auch sovil Zü Sannd Gallentag, Item Jerlich ain schock groschen behemisch, Item für solich schock groschen, hat gemellter unnser freüntlich=
er lieber vetter, Her petter von Rosenberg seliger, vorgenanntem Herrn Abbte, Convent unnd gotshaus Zü Hohennfurt, widerumb auf anndern Zwayen höfen abgeworfen, ain schock
groschen, Nemlich Im dorff tschenitz gehörund in das gericht Oberhaid, unnd Rosenberger herschafft, auf des wenczlen hof Zü tschenitz, ain halbs schock groschen, unnd auf des phian=
len hof daselbs, auch ain halbs schock groschen, Thüet ein ganntz Iar ain schock groschen behemisch, unnd solich Zwen höf, hat gemellter unnser vetter seliger, dem Herrn Abbte, Convent
unnd gotshaus Hohennfurt, mit aller unnderthenigkhait, unnd Herligkhait, wie Er sy hieuor gehabt, genützt unnd gepraucht, er, unnd gar unnd gänntzlichen abgeworfen, Weiter
sein auch dy Zwen höf, unnserm vettern seligen, vor über das schock groschen Zinsper unnd pflichtig gewesen, wie hernach volgt, Item phianl Zü tschenitz Zü Sannd Iorgentag sechs
groschen drey pfenning behemisch, groschen, unnd Zü Sannd Gallentag acht groschen drey pfenning behemisch groschen, unnd Zwen Züber habern, Item wenczl daselbs Zü Sannd Iorg=
entag drey groschen Zwen pfenning behemisch groschen, unnd Zü Sannd Gallentag sechs groschen Zwen pfenning behemisch unnd drey Züber habern, macht des gelts Jerlichen
Zinss vierundzwainzig groschen, drey pfenning behemisch unnd funf Züber habern, Item solichen obgemellten, vberigen Zins unnd habern, hat benannter unnser lieber
vetter seliger abgeworfen, unnd nün hinfüran Zü ewigen Zeiten Zügeben, verordnet unnd verschafft, den armen Leüten Zü Hohennfurt, in das spital Zü pesserung Irer pfründt
Item dy obbestimbten Zwen pawen, Peter unnd Hämmerer Züm Hämmerer, haben auch sonnderlich Jerlich in unnser stift unnd kloster Hohennfurt, über den Zins gedient
wie hernach volgt, (nam)lich funffhalben Züber khorn, neün Züber gersten, neün Züber habern sechs Züber, unnd drey vierte, ain annderthalbs schock, ain gueten kääs, unnd
ain guete ganns, Item Robolt, sollt Zü den pfingsten funffhalben groschen behemisch, unnd darmit khaine kääs, wie von allter herkhomen unnd gewesen, ain Iar funff kääs
unnd das annder Iar vier kääs, das sy dann sein schuldig unnd pflichtig Züanttworten, alls Iar Zü Sannd ägidientag auf den glashof bey Höritz gelegen, an Irtung unnd Hin=
derung, welich obgeschriben getraid, kääs, ganns, kääs, unnd Robolt pfenning, sich dann das ganntz dorff, unnd gemain Zü Rädosthowitz, dem ytzigen unnd künftigen Herrn
Abbte, Convent unnd gotshaus Zü Hohennfurt, willigkhlich, verpflicht unnd verwilligt haben, Jerlichen, on allen abganng, von unnd füran Zü ewigen Zeiten, auf den glas=
hof Zügeben, unnd anttworten, unnd damit aber vorgenannter Her Cristoff Abbte, Convent unnd stift Hohennfurt, unnd all Ir nachkhomen, bey solchem aufgewechs=
ten Zwayen höfen Zü tschenitz, unnd allen Iren Zinsperlichen gerechtigkhaiten, wie vor gemellt, dy sy dem gotshaus, nün von unnd füran, Zü ewigen Zeiten, Züthün
pflichtig unnd schuldig sein, durch unns unnd all unnser nachkhomen, genedigklich unnd vestigkhlich gehanndthabt werden sollen, haben unns obgenannter
Her Abbte, unnd Convent, unnsers stifts Hohennfurt dessalben, umb schaffung unnd briefflich urkhunden darüber Zügeben, diemüetigklich gebeten, dy wir Inen dann
in ansehung Ires geistlichen lebens, unnd Zü erhalltung des löblichen gotzdiensts, so in unnserm stift Hohennfurt, teglichen vollbracht wirdet, mit Zütaillen, sunnderlich
genaigt sein, Geben unnd verschreiben auch für unns unnd all unnser nachkhomen, vorgenanntem Herrn Cristoffen Abbte, unnd Convent Zü Hohennfurt, unnd allen
Iren nachkhomen, gemellte Zwen höf Zü tschenitz, mit aller unnderthenigkhait, Züegehörung, nutzung, Zinsperkhait unnd Herligkhait, wie vorgemellt, ist, alls so das sy unnd
all Ir nachkhomen, sölch Zwen aufgewechslte höf, Nün von unnd füran Zü ewigen Zeiten, Innhaben, nutzen unnd prauchen mügen, wie unnser, unnd aller unnser, nach=
khomen, auch menigklichs von unnsert wegen, Irrung unnd Hindernuss, alles getreülich unnd ungeverlich, des Zü warem urkhündt, geben wir obgenannter Johann
von Rosenberg, für unns unnd all unnser nachkhomen, gemelltem Herrn Cristoffen, Abbte unnd Convent Zü Hohennfurt, unnd allen Iren nachkhomen, disen brieff
mit unnserm aigen anhanngundem Insigl, verfertigt, der geben ist Zü Krumenaw, am Erichtag nach dem Sünntag der Heiligen dreifaltigkhait, unnd Erstlich unnsers
lieben Herren gebürdt, Im funffzehen hündert unnd achttundzwainzigisten Iaren

Balisage scientifique de la transcription

(text)
Abréviation développée ; les lettres entre parenthèses sont restituées.
~text~
Incertitude mineure.
|text|
Incertitude importante.
¦text¦
Lecture fragile.
<text>
Reconstruction contextuelle non visible avec certitude.
# / #3w
Écriture visible mais illisible.
^3w^ / ^2l^
Passage physiquement manquant ou endommagé.