Wirr Johann, Abbte, Unnser Lieben Frawen Gotzhauß zu Hochenfurth,
Bekhennen Unnd thuen khundt hiemit disem offnen Brieff, vor unns unnd all unnser Nach
khumben, Wem Unnd besunder den ienigen, so iezunt oder künfftig seindt, Das wirr Unnsern
Lieben Unnd getrewen Wolffganngen Ortner, Zue unnd seiner Elichen lieben Hausfrawen Unnd allen
Ihren baiden Erben Unnd Nachkhumben, ain Wisen, die Wültenwiß genenndt, Weliches da
Ligt mit der Unndern seitten an der Wülten Unnd mit der anndern seitten an der Michell
Schwaider, Auch mit der ober seitten an der Michell Harschlmueller Unnd mit der Viertten seitten
an den Michaell Hagmüller Ihe sammt, Wie dan die selbig wiß obn von allter her mit rain unnd
stain Vermarckht Unnd Umbkhangt ist, Auffrichtig unnd redlich Verkhaufft unnd Zuehannden geben
haben, Umb ain Summa gellt, Die Wirr Ihm laut unnd in Völlig Erwegen, Von Ime Zue rechter theil
Unnd Zeit, in guetter Lanndtgäbiger Müntz, Entricht Unnd bezallt worden sein, Demnach
mag nun hinfüro Obbemelter Wolffganng Ortner, sein Hausfraw unnd Irer baider Erben
Unnd Nachkhumben, Die selbig wiß in Iren Nücz unnd gnieß, Inhaben, gnieß, thun unnd
geprauchen, Zue Iren Iren Pesten, nutz Unnd frumben, Auch mit Iren ainem anndern Verseczen
Verkauffen Unnd Verkhumben (Doch nit ausser des Lanndts gehaimb), Wie sie Wölln, Es seindt
gleich Unnser, als all Unnser Unnd unnserer nachkhumben, Unnd des Gotzhauß Hochen
furth Unnderthanen, Es allersambt auch Iderweder des Gotzhauß, oder alle künfftig stifft
Inhaber, Von der bemelten Wisen Unns unnd Allen Unnsern Nachkhumben, Järliches Zue Zins
Raichen Unnd geben, Auff alle Sanndt Geörgen tag, In ewigen Zeitten Vier khreüzer Unnd
Zway Hünnlein, Dergleichen Jeden Sanndt Gallgen tag auch sovil Zins bezallenn,
Alles treülich Unnd Ungeuärlich, Dessen Zue Warem Urkhundt Unnd mererm glauben
geben, Wirr bemelter Johann, Abbte in Hochenfurth, disem khauffbrieff auff trewe seel Soliches
Vest, Waar Unnd stätt Zuehallten, Auch noch Zue merer gezeügnus unnd Sicherheit Herfürge
ben auch bey unnd mit gewesn, alls Zeügen, Die Ernnest benambten Männer, alls da seindt
Mattheus Männsmueller Unnd Wolffganng Männs, Alle baide Pürger Zue Hochenfurth,
Unnd auch Leo Hallt, besunder her, der zeit richter Da selbs, Unnd Michell Hagmüller an der
Tagmüll Zue bemeltten Hochenfurth, Ime den bemeltten Wolffganng Ortner unnd
seiner Hausfrawen, auch allen Irenn baiden Erben Unnd Nachkhumben, Dessen khauffbrieff
Unnd Wisen, Der all unnsern Wisen Zuehördt, den wirr auffgeben unnd Verferttigt
^?^

dieser khauffer-brieff
Deuttet khain Marckh der
Wiese an, u. macht
das Conventt gar khain
Meldung, hat auch dessen
Sigill nicht beigedruckht.
die Erneuerung war also
allerdings bei dem
Nachkhomen nothwendig.

Datum dieses Briefes
ist 1555, wie ex lib. antiq.
cens. p. 388 durch Vergleichung
hervorgehet.