WIr Wolffganngus Hallinger Von Gottes Genaden Probst Zue Reicger=
perg, Mathias Praitensterer Dechant vnnd der gannz Conuent gemainigclich daselbs, Bekhennen Offenntlich mit disem
Brieue fur vnns all vnnser Nachkhomen, vnnd thuen khundt aller menigclich, dz wir mit wolbedachtem Muet vnnd gemainem
Rath, Vnnser vnnd vnsers Gotshaws, Drey Hosh Äckher genantt Im Kherntall vnnd im Raundorfferischen holt zu Nächst bey der
Statt Zu Khrembs gelegen, Innhalt, Drey Hosh Äckher sambt den selbigen darzue gehörigen zehennten, Den vnnsers gotshaws
Ernnschuldigs Ligen sein zu Rechten Erbgüeting erlassen haben, Dem Erbarn Wolffganng Sedlmair Zu Raundorff Anna seiner
ellichen hawsfrawen, vnd Jrer irber tochter Margaretha, ains Ir Dreier Personen Leibslebttag allain vnnd nicht lenger, In
solicher Beschaidenhait das Sye vnns alle Jar Järlich von solchen obgemelten Hochen vnnd den darzue Zuegehörigen zehennten
(wie es beymel dauon dienet vnnd Raichet) alls vnuerzogenlich Zu Rechter vnnser Stifftzeit Zu Sant Michaels tag Drey
gulden guetter (vnser müncz) oder im fall vnß selich gelt nit angenemblich sein woltte, darfür Zügeben Drey meczen korn,
guetter masss, solchs alles sollen sy vnuerhindertt gestrackhs vnnserm hoffmaister Järlich bey vnserm Zehennthof gewisser
Hoff Zu Haimingell erlegen vnnd Richtig machen, Sy sollen vnns auch die bemelte Drey Hosh Äckher vnnd
solichs zehent Jrer zeit (ver)sämtlich Richtig vnnd treulich haltten an aller Statt (wo das noht tuet) vnnd sollen dieselben
mit Jrem Aignen treiben Inhaben, Sich auch damit Nindert Annders wohin äusern, Als nuer Zu vnns vnnd vnnserm
gotshaws Sy sollen die auch nit Schmelern, thaillen, verkauffen noch äusern, Sy sollen vnns auch dauon
Treü vnnd gewertig sein alls annder vnsere erhaffte Leibgedinger, Vnnd ob Jnen Notbeschäch dz Sy Jre leibsrecht an obgemelten
vnserm Hochen vnnd zehennten von Notdurfft wegen wöllen oder muosten versetzen oder verkauffen (wie sichs füeget) dis
sollen Sy vnns Am ersten Anzögen, vnnd haben vor menigclich (wöllen oder müessen wir aber der von Jnen nit beleidigen
so mugen sy alsdan Jre leibsrecht (ver)versetzen oder verkauffen, doch nuer mit vnserm (willen) gleichen leüten, Bey den wir
vnser vorderung vnd Recht als inicht bekhömen mugen als von Jnen selbs, vnnd (wan Sy vnns den egenanten Dienst oder giefft
Zue ainer zeit nit gäben oder sonst nit täten dz an dem brieff geschriben stet (wie sichs begäb) so haben Sy alsdan All Jre leibsrecht
an vorbemelten Stukhs gäntzlich gannz verlohren, vnd ist vnns von Jnen wider verfallen in vnser gewalt, Alß dz wir des Alles
vnserm fromen damit gäntz vnnd Gars nichts (wo wir wöllen an alle Jrrung) (wan auch die obgemelten Drey leibs(personen)
Sedlmair, Anna sein hawsfraw, Margretha Jre tochter, mit tot Abgienngen vnnd nit mer sein, So sein vnns abermalles die
obgemelten Drey Hosh Äckher vnnd der selbig Zuegehörig zehent gäntz vnnd gannz Zu vnsere hannden (wider) sig (worden) wie man
dieselbigen (wurde) finden, nichts dauon Ausgenummen, vnnd hat dan khainer Jrer Erben khainth noch nachkhumen nichts mer
darauf noch darnach Zesprechen (weder) wenig noch vill in khainerlay weyß, Mit vrkhundt des Brieffs den wir
Jnen daruber geben Besigelt, mit vnnserm Aignen Anhangennden der Prelatur vnnd Conuent Sigillen,
Der Geben ist an Sanndt Maxmillians tag nach Cristi vnnsers lieben herrn vnnd Selligmachers geburtt, so man Zalt der
wenigern Zall Jm funfftzehenhundert vnnd Jm Sybenundsybentzigisten Jar,