Catalogue de recherche

Explorer les chartes

Commencez par une recherche simple. Affinez-la seulement lorsque la question scientifique l’exige.

1589_IV_20

CZ-KAVB > VYBRO > 1589_IV_20

Source : MonasteriumPaléographie IAInterprétation IA
Page 1 / 3
1589_IV_20, page 1
Vue
Transcriptiongemini-3.1-pro-preview
Wir Antonius Flamink Abbte deß Stiffts vnnd Gottshauß Künig Sall, Pro=
motor vnnd Sindicus Cistercienses Ordens vnnd der zeit Administrator des Gottshauß Hohenffurth,
Michael Prior, vnnd das gantze Conuent daselbsten. Bekennen offentlich vnnd thuen khund allermennigklich mit disem
brieff das wir mit guetem freyen willen für vnß, vnd all vnser Nachkhomben khäufflich zu khäuffen geben haben, ein Reüth
welche siben morgen inuen helt, ligund im Münich wald bey Merowitz dem Erbarn vnsern lieben Getrewen Jodl
Holtzman von Merowitz, seiner Eheligen Haußfrawen, vnnd allen Iren Erben, vnnd Nachkhomben, vmb sechzehen schock meißnisch, dj
er vnß zu vorger zeit, vnnd weil, daruon vnß itzt, vnnd in künfftig zeit wolbegnueget, erberlich entricht, vnnd bezallet hat,
darumben wir dan In, vnnd die seinen gäntzlich Quitiren, vnnd loß sagen, vnd Ime hierauff solche benente Reütt, alß sein recht
erkhaufftes grundtstuckh hiemit in krafft dises brieffs auff, vnd vbergeben, also, das Er, all seine Erben, vnnd Nachkhomben,
solche Reütt in rüebiger gewehr ewig Inne haben, zügeniessen, gebrauchen, auch dasselbige Ires gefallens, versetzen,
verwechselln, geben, verkäuffen (doch nicht in frembde Herrschafft) vnnd damit zu handtlen, wandeln, vnnd züschäffen füeg
vnnd macht haben sollen, vnd mögen, alß mit andern Iren aignen güttern, vnnd gründen, wem, vnd wie sie wollen, ohne
vnser, vnnd all vnserer Nachkhomben ainigerley verkhindernüß in all weg ohne geferde. Doch sollen er Jodl, all seine
Erben, vnd Nachkhombende Inhaber von disem Reütt in diß Gottshauß Rännt Cammer zu ewigem Zins iärlichen zu Sännt
Geörgen tag siben klain grossen, des gleichen zu Sännt Galli tag siben klain grossen, den für siben klain pfening gerechnet
raichen, vnnd aufzulegen nicht lässig sein. Des zu waren vrkhund haben wir diß Gottshauß Hohenffurth aigen
mitfere Prälatur, vnnd Conuents Insigill zu disem brieff anhengen lassen. Beschehen im Gottshauß Ho=
henffurth den zwantzigsten Monats tag Aprilis, Im fünffzehen hundert neün vnnd Achtzigisten Ihar.

Balisage scientifique de la transcription

(text)
Abréviation développée ; les lettres entre parenthèses sont restituées.
~text~
Incertitude mineure.
|text|
Incertitude importante.
¦text¦
Lecture fragile.
<text>
Reconstruction contextuelle non visible avec certitude.
# / #3w
Écriture visible mais illisible.
^3w^ / ^2l^
Passage physiquement manquant ou endommagé.