CLEMENS PP XIII
Universis Xp(ist)ifidelibus p(rese)ntes l(itte)ras inspecturis sal(ute)m, et ap(osto)licam Ben(edictionem) Ad augen(dam) fidelium religionem, et animarum sal(ute)m, celestibus Eccl(es)iæ thesauris pia charitate intenti,
omnibus utriusque sexus Xp(ist)ifidelibus vere pœniten(tibus), et confessis, ac sacra com(munio)ne refectis, qui Orationi quadraginta horarum continuatarum, non autem nisi noctis tempore
interpolatarum de licentia Ordinarii in Eccl(es)ia Omnium Sanctorum Civitatis Olomucen(sis) a Canonicis Regularibus Ordinis S(ancti) Augustini administrari solita semel in anno t(antu)m
instituen(da) per aliquod temporis spatium devote interfuerint, et ibi pro Xp(ist)ianorum P(ri)ncipum concordia, hæresum extirp(atio)ne ac S(anctæ) Matris Eccl(es)iæ exalt(atio)ne pias ad Deum preces
effuderint, Plenariam omnium peccatorum suorum indulg(enti)am, et rem(issio)nem misericorditer in D(omi)no concedimus. P(rese)ntibus ad Septennium t(antu)m valituris. Volumus autem ut si alias
Xp(ist)ifidelibus in quocumque alio anni die præmissa in d(ic)ta Eccl(es)ia peragen(da) aliqua alia indulg(enti)a similis perp(etu)o, vel ad tempus nondum elapsum duratura concessa fuerit,
vel si pro imp(etratio)ne, p(rese)nt(atio)ne, adm(issio)ne, seu publ(icatio)ne p(rese)ntium aliquid, vel minimum detur, aut sponte oblatum recipiatur p(rese)ntes nullæ sint. Datum Romæ apud S(anctam) Mariam Ma=
jorem sub Annulo Piscatoris die XV. Novembris MDCCLX. Pont(ificatus) N(ost)ri Anno Tertio