Nostra Ordinaria et tanquam Prælatus eundem electum, Instituimus, inuestimus, ac confirmamus, vtq(ue) illi non secus ac uero Præposito a Fratribus Monasterij præfati Omnib(us)q(ue) subditis debita obedientia reueren
tia ac subiectio præstetur uolumus, et serio iniungim(us), Committentes, Reuerendis Religione in Ch(rist)o Nobis dilectis, Joanni Radonsky Sternbergensi, et Paulo Brugman Fulnecensi Præpositis vt præfatum
Bernardum Crucigerum a Nobis legitime confirmatum in realem actualem et corporalem dictæ Præposituræ ad Omnes Sanctos Olomucij possessionem inducant, faciantq(ue) illi de fructibus et prouentibus eiusdem
uniuersis locis et temporibus opportunis responderi. Forma uero Juramenti per eundem electum Nobis præstiti est talis. Ego Bernard(us) Cruciger electus Præpositus Monasterij ad Omnes Sanctos
Olomucij, Vobis Reu(erendissi)mo et Illust(rissi)mo Principi ac D(omi)no D(omi)no Carolo Episcopo Olomucensi, Duci, S. R. I. Principi Regiæ Capellæ Boemiæ et de Lichtenstein Comiti, et Vestris successoribus Canonice intrantibus, ueram ac
debitam obedientiam et Reuerentiam sancte spondeo, promittens Regulam et statuta Ordinis mei pro posse meo quam diligentissime semper me obseruaturum. Non ero in Consilio uel facto contra Vestram personam
neq(ue) Ecclesiam Olomucensem, et consilia quæ Vobis et eidem Ecclesiæ contraria, fideliter Vobis reuelabo, Consilium Vestrum nemini pandam: auxilium Vobis contra qualemcunq(ue) hominem quippiam tentantem, contra Vos
Ecclesiamq(ue) Vobis commissam (saluo Ordine meo in his quæ ad iustam ipsius defensionem spectant) præstabo et exhibebo Villas et possessiones Monasterij mei non uendam, non oppignorabo non distraham nec alio quouis
titulo alienabo, nisi in casibus a Jure permissis et concessis, debito tamen in Canonibus præscripto modo, quin potius neglecta instaurare et alienata pro uirili recuperare adnitar et studebo. Sic me Deus
adiuuet et hæc sancta eius Euangelia. In quorum omnium supradictorum fidem et robur hasce manu Nostra subscriptas Sigillo Nostro maiori communiri fecimus. Datæ in Ciuitate et
Residentia Nostra Cremsiriensi die Decima Secunda Mensis Februarij, Anno Millesimo Sexcentesimo Sexagesimo Septimo.
Carolus ep(iscopus)