FRANCISCVS
MISERATIONE DIVINA S. R. E. TITVLI S. MARIAE TRANSTYBERIM PRESBITER CARDINALIS ET
PRINCEPS A DIETRICHSTAIN EPISCOPVS OLOMVCENSIS PRINCEPS ET SANCTAE SEDIS APLICAE LEGATVS DE LATERE.
Dilecto Nobis in Christo Honorabili Viro, Melchiori Pollinger, Protho Notario Apostolico, Salutem in Domino Sempiternam.
Quoniam ea est Legatorum de Latere a Sancta Sede Aplica deputatorum Authoritas, vt quae nomine suo stabilienda et confirmanda iudicant, ea a dicta Sede Aplica per
fectam sui validitatem nacta, iure merito dignoscantur: Idcirco, eos solos gratijs et fauorib(us) nostris ornandos decernimus, quos, et maior meritorum copia, et erga eandem Sedem Aplicam magis probat, sincera deuotionis plurimum commendat affect(us).
Qua virtutum ornamenta, nec non probatae deuotionis erga praefatam Sedem affectus cum in te elucere fide dignis testimonijs cognouerimus, Te particularis praerogatiuae Priuilegio ornare volentes, Aplica Authoritate, Nobis in nostra Legationis
a latere dignitate concessa, In primis a quibusuis excommunicationis, suspensionis, et interdicti, alijsq(ue) Eccliasticis sententijs, censuris et poenis a Iure vel ab homine quauis occasione vel causa latis, si quib(us) quomodolibet innodatus existis, ad effectu(m) praesen
tium duntaxat absoluentes, et absolutum fore censentes, tuis in hac parte supplicationib(us) inclinati, Authoritate Aplica, Nobis per speciales dictae Sedis literas (ad quarum insertionem minime tenemur) concessa, Te in S. D. N. Papae et prae
fatae Sedis Aplicae Astarium (absq(ue) tamen praeiudicio eisdem Sedis Notarioru(m) de numero participantium nuncupatoru(m)) tenore praesentium cream(us), facim(us), recipim(us), admittim(us), constituim(us), et deputam(us), aliorumq(ue) S. D. N. Papae et Sedis huiusmodi Notariorum
numero, ac consortio fauorabiliter aggregam(us). Tibiq(ue) vt de caetero o(mn)ibus et singulis priuilegijs, praerogatiuis, exemptionib(us), antelationib(us), insignijs, honoribus, declarationib(us), immunitatib(us), praeminentijs, derogationib(us), mandatis, fauorib(us), gratijs et in
dultis, tam spiritualib(us), quam temporalib(us), quib(us) alij S. D. N. Papae et Sedis praefatae Notarij, Prothonotarij nuncupati, de Iure, consuetudine, statuto aut indulto quomodolibet, vtuntur, potiuntur, fruuntur, et gaudent. Tu quoq(ue) etiamsi Rochetum
non deferas (absq(ue) tamen praeiudicio Notariorum eorundem de dicto numero, et circa exemptiones a Concilio Tridentino sublatas, nec non facultatem testandi ac legitimandi illegitimos, promouendi ad grad(us), creandi notarios, et alia similia priuilegia
dictis Notarijs de numero, vt dicitur, concessa, quib(us) nullo modo vti debens) vti, potiri et gaudere possis ac valeas, eadem Authoritate et tenore concedim(us) et indulgem(us). Quocirca R(eueren)do in Ch(rist)o, ei(us) Dioecesis cui subijceris Officiali, seu alteri cuicunq(ue) Per
sonae in dignitate Eccliastica constitutae per te eligendae, hisce nostris scriptis, dicta Authoritate mandam(us), quaten(us) a te S. D. N. Papae et S. R. E. nomine professione(m) fidei Catholicae iuxta forma(m) in Bulla fel: recordationis Pij Papae quarti editam, nec n(on)
solitu(m) recipiat iuramentu(m), quo peracto, Nos tibi consueta insignia honoris et dignitatis Prothonotariat(us) huiusmodi conferim(us), et assignam(us), decernentes, quod illis o(mn)ibus et singulis, vbi et quando expediens fuerit, nec non priuilegijs, facultatib(us) et gratijs antedictis
pacifice frui et gaudere valeas, neq(ue) desuper a quoquam debeas molestari. Non obstantib(us) constitutionib(us) et ordinationib(us) Aplicis, nec non o(mn)ibus illis, quae idem S. D. N. Papa in facultatib(us) Nobis concessis voluit non obstare, caeterisq(ue) contrarijs quibuscunq(ue). Forma
autem Iuramenti, quam praestabis talis erit. Ego Melchior Pollinger Prothonotarius S. D. N. Papae ab hac hora in antea obediens ac fidelis ero B. Petro S. R. E. ac D(omi)no N(ost)ro D(omi)no Vrbano Papa Octauo, eiusq(ue) successorib(us) canonice intrantib(us), non ero in facto
vel consilio vt vitam vel membrum perdant, seu capiantur mala captione, aut in eos violenter manus ingerant(ur), vel iniuria aliqua inferant(ur). Consilium vero quod mihi credituri sunt per se aut nuntios suos, siue per literas ad eorum damnu(m) me sciente nemini
pandam. Papatum Romanum et Regalia S. Petri ac iura omnia Eccliae Romanae, vbiq(ue) manutenebo, ac pro virib(us) defendam, et ad ea retinenda ac recuperanda, pro posse meo adiutor ero, contra o(mne)m hominem. In nullo tractatu ero, in quo contra ipsum D(omi)num
N(ost)rum, vel eandem R. E. praeiudicialia personaru(m), iuris, honoris, stat(us), potestatis eorum machinentur, et si talia a quibuscunq(ue) tractari vel procurari nouero, impedire conabor, et quanto citius potero eidem D(omi)no N(ost)ro seu alteri per quem possit ad ipsius notitia(m)
peruenire significabo. Prothonotariat(us) praedicti officiu(m) fideliter exercebo, nihil addendo vel minuendo sine voluntate D(omi)ni N(ost)ri, quod mutet substantiam. Act(us) attestationum super inquisitione canonizandorum in publicam formam redigam, et quae
cunq(ue) alia, quae mihi quandocunq(ue) et vbicunq(ue) per D(omi)num N(ost)rum imponentur fideliter peragam, dolum vel fraudem contra ipsum officium non committam, nec committi consentiam, secreta, quae secreta esse cognouero, secrete tenebo, caeteraq(ue)
omnia absq(ue) omni fraude et dolo attendere et obseruare iuro ac promitto, Sic me DEus adiuuet et haec Sancta Euangelia. Data Viennae Austriae die Tertia Martij A(nn)o Milles(im)o Sexcentes(im)o Triges(im)o Primo Pontificatus S. D. N. Vrbani
F. Card. a Dietrichstain Legatus Papae Octaui Anno Octauo.
Io(ann)es Ernestus Platais de Platenstain
Aplicae Legationis de Latere Datarius mpp