CAJETANVS DVX SFORTIA
SABELLVS PERETTVS
BOBADILLA
Magnas Hispaniarum Primæ Classis: Princeps
S. Floræ: Princeps Cynthiani, et Venafri: Comes
Civitatis novæ, Ginestræ, et Turricellæ: Marchio
Cecimæ, Menconici, Cellæ, Turris Claræ, Basilicænovæ,
Tollæ, Stipis, Castri Azaræ Sylvenæ, Sforziscæ, Mirabelli,
Consaloncrius; ac Equitum levis Armaturæ Custodia
CAESARINVS PRINCEPS
MONTALTVS CABRERA
DE COMITIBVS
Romanus, et Sacri Romani Imperii: XVI. Comes
Chinchioni, et Celani: Dux Marsorum, Signiæ,
Civitatis Laviniæ, Ardeæ, Montis Causarii, Varci,
Frassi, et Castri Arquati: Baro Civitatis Piscinæ, Vallis
Et Senæ: Senatus, Populique Romani Perpetuus
Corporis Pontificii Capitaneus, &c. &c. &c.
R(everendissi)mo D(omi)no D(omino) Augustino Heyssig Insignis Collegiatæ Ecclesiæ Olomucii ad omnes Sanctos, et LandsKronoæ ad S. Wenceslaum Canonico Regulari Lateranensi
S. Augustini, et in dicta Canonia Decano Capitulari, Sacræ Theologiæ Doctori, SS(anctissi)mi D(omi)ni N(ost)ri Papæ, et S. Sedis Apostolicæ Notario, Protonotario Honoris nuncupato, Salutem, et omne gaudiu(m)
SINGVLARIS erga Romanam Ecclesiam, Sanctamque Sedem Apostolicam tuæ devotionis affectus, necnon Literarum scientia, vitæ, ac mo=
rum honestas, aliaque laudabilia probitatis, et virtutum merita, quibus Personam tuam ab Altissimo omnium bonorum largitore, prout fide di=
gnorum Virorum testimonio accepimus, copiosè novimus insignitam, jure optimo promerentur, ut eam specialis favoris prærogativa prosequamur.
Cum itaque Tu, qui sicut etiam accepimus de honesto genere procreatus, et multiplici virtutum decore ornatus existis, ac Romanæ Ecclesiæ
dictæque S. Sedis servitiis insistere disposuisti Nobis humiliter supplicari feceris, ut Personam tuam grato affectu prosequi, eamque pro meritis
dignioris nominis titulo decorare dignaremur; Nos, qui tuæ probitatis, et bonæ famæ odorem gratum sentimus, supplicationibus hujusmodi
inclinati laudabili tuo desiderio annuere decrevimus. Suffulti igitur ad id facultate, et auctoritate per Literas fel. rec. Pauli Papæ III. sub
datum Romæ apud S. Petrum Anno Incarnationis Dominicæ 1539. XVIII. Kalendas Maii Pontificatus Sui Anno V. sub Plumbo expeditas, ac
Majoribus nostris, Nobis, et cæteris omnibus de Familia, et Prosapia Sfortia concessas suffulti, Te in SS(anctissi)mi D(omi)ni N(ost)ri Papæ, et S. Sedis Apostolicæ
Notarium, Protonotarium Honoris nuncupatum, auctoritate Apostolica, Nobis, ut præfertur attributa, tenore præsentium creamus, facimus,
instituimus, deputamus, et declaramus, aliorumque SS(anctissi)mi D(omi)ni N(ost)ri Papæ, et S. Sedis Apostolicæ Protonotariorum Honoris, non tamen Participantium numero favorabi=
liter adscribimus, atque aggregamus; Tibique Rochettum, Mantellettum, ac Subtanam tàm nigri, quàm violacei coloris, extra tamen Romanam Curiam deferendi,
et aliàs incedendi in Habitu Protonotariorum more Prælatorum Romanæ Curiæ, nec non utendi Pileo, seù Cappello eo modo, quo dicti Protonotarii, et Prælati per
se ipsos, et in eorum Insignibus, seù Stemmatibus utuntur, plenam, et liberam tenore præsentium facultatem concedimus, et auctoritatem. Insuper declaramus in
Canonizationibus Sanctorum ad Te, uti Protonotarium in loco conficiendi examinis existentem curam, et munus spectare, ac Te, uti Protonotarium esse, Dignitatem
Ecclesiasticam; Tibique causas, seù lites beneficiarias Ecclesiasticas, et mixtas per Apostolicas Literas, seù alio quovis modo committi, vel delegari posse, et debe=
re; Tibique, ut omnibus, et singulis privilegiis, honoribus, præeminentiis, prærogativis, et indultis, quibus alii Protonotarii Honoris utuntur, potiuntur, et gau=
dent, pariformiter, etiamsi Protonotarii Habitum non deferas, uti, potiri, et gaudere liberè, et licitè possis, et valeas, Apostolica auctoritate prædicta de specia=
li gratia concedimus, et indulgemus. Quocirca Ven. Viris Notariis, Protonotariis Apostolicis Honoris nuncupatis, seu cuicumque Personæ in Dignitate Eccle=
siastica constitutæ, per præsentes, auctoritate Apostolica prædicta committimus, et mandamus, quatenus ipsi, vel aliquis eorum per Te eligendus (recepto pri=
us a Te SS(anctissi)mi D(omi)ni N(ost)ri Papæ, et S. Sedis nomine fidelitatis debitæ, solito Juramento, emissaque per Te Fidei Catholicæ professione) Insignia Protonotariatus Tibi
conferant, omnibusque, et singulis præmissis Te pacificè frui, et gaudere faciant, ac procurent, non permittentes Te super illis, seù illorum aliquo per quempiam
indebitè molestari, aut sub quovis prætextu impediri, contradictores, et perturbatores quoscumque per opportuna Juris remedia simili au=
ctoritate compescendo. Non obstantibus omnibus, quæ fel. rec. Paulus III. Julius III. Gregorius XIII. et Sixtus V. in facultatibus Nobis concessis
præsentibus voluerunt non obstare, cæterisque contrariis quibuscumque. In quorum fidem præsentes subscripsimus, et Sigillo nostro muni=
ri jussimus. Datum Cynthiani Anno Domini MDCCLXIX. Indictione II. Die XV. Mensis Junii, Pontificatus autem SS(anctissi)mi in Christo Patris,
et D(omi)ni N(ost)ri D(omi)ni Clementis Divina Providentia Papæ XIIII. Anno Primo.
Cajetanus Dux Sfortia Cesarini Sabelli Peretti Bobadilla de Comitibus
Dominicus Macci ProSecret(ariu)s
= Reg. Fol. 301. Num(er)o 555. =