Nos Jodocus dei gracia Marchio et dominus Morauie Notum facimus tenore presencium vniuersis Quod ad gloriam
creatoris altissimi et eius genitricis virginis intemerate marie / cuius laudes in Monasterio n(ost)ro nouo in Suburbio
Ciuitatis Brunnen(sis) per fratres heremitas ordinis sancti Augustini sub spe salutis eterne toto corde cupimus amplia
re Eiusdem monasterij fratribus benigne fauimus et consensimus et virtute presencium Animo deliberato ac
de certa n(ost)ra sciencia consencimus et fauemus vt vnam curiam allodialem cum duobus laneis / et duos laneos
censuales / et decimas s(e)c(un)d(u)m ritum ad illam curiam pertinentes in villa malkowicz pro toto conuentu possint
libere comparare Quam intencionem empcionis illius vobis Supremo Camerario Czudario et Tabularum
Terre Notario / Czudenie in Olomuncz p(rese)ntibus districte precipimus et sub obtentu n(ost)re gracie committimus
et mandamus / Quatinus illos quatuor laneos cu(m) curia dictis fratribus et eorum monasterio / dum Tabule
Terre aperte fuerint / et vos requisiuerint / intabuletis continuo / et Terre Tabulis more solito imponatis.
presencium sub n(ost)ro appenso sigillo testimonio litterarum / Datum Brunne feria quarta proxima post d(omi)nicam
qua cantatur Quasimodogeniti Anno domini Millesimo Trecentesimo Nonagesimo primo
Ad mandatum d(omi)ni Marchionis
Thomas de Spilner