In nomine domini Amen Anno natiuitatis eiusdem millesimo trecentesimo Nonagesimo sexto Indicione quarta die vero mensis Junij hora vesperorum pontificatus Sanctissimi in christo patris et domini nostri domini Bonifacij diuina prouidencia
pape Noni Anno septimo In mei notarij publici et testium subscriptorum ad hoc specialiter vocatorum et rogatorum presencia constituti personaliter coram Reuerendo in christo patre et domino domino Johanne
dei gracia episcopo luthomislensi venerabilis vir dominus petrus prior et conuentus monasterij in luthomislensi ordinis sancti Augustini suo et tocius conuentus ipsorum nomine ex vna
et honorabilis vir dominus petrus scolasticus ecclesie luthomislensis ex altera partibus sponte et ex certa sciencia in Reuerendum in christo patrem et dominum dominum Johannem episcopum luthomislensem
tamquam in arbitrum arbitratorem et amicabilem compositorem super omnibus et singulis controuersijs questionibus et causis inter ipsas partes motis et mouendis de et super
quibusdam decimis quas idem dominus petrus scolasticus a plebano ecclesie in chmel per dictum priorem et conuentum sibi in pensione dari et assignari vendicabat et impetebat
necnon de et super quibusdam dampnis et iniurijs per ipsum dominum petrum scolasticum dicto priori et conuentui illatis et irrogatis prout in quadam peticione per dictum priorem et conuentum
coram dicto domino Johanne episcopo luthomislensi contra dictum dominum petrum scolasticum porrecta plenius continetur compromiserunt et compromittunt per presentes dantes et concedentes eidem
domino Johanni episcopo luthomislensi tanquam arbitro arbitratori et amicabili compositori plenam et liberam potestatem et auctoritatem de et super premissis omnibus et singulis cognoscendi
decidendi diffiniendi et amicabiliter componendi prout sibi melius videbitur expedire promittentes insuper sub pena centum sexagenarum grossorum bohemicalium per partem
parti non parenti soluenda et applicanda quod laudo arbitrio et amicabili composicioni dicti domini Johannis episcopi luthomislensis in omnibus et per omnia stabunt et eidem
obedient et parebunt nec contra ipsum per se vel alium facient vel venient quouismodo sub pena predicta In cuius rei testimonium presentes litteras fieri et sigillo
dicti domini Johannis episcopi luthomislensis iusserunt communiri Datum et actum luthomislie in domo habitacionis dicti domini Johannis episcopi luthomislensis anno indicione mense die hora et
pontificatu quibus supra presentibus ibidem honorabilibus et discretis viris dominis Nicolao decano et plebano in luthomislia et Johanne plebano in chmel clericis luthomislensis
diocesis testibus ad premissa vocatis specialiter et rogatis

Et ego Wenceslaus natus quondam petri de lompnicz clericus pragensis diocesis publicus Imperiali auctoritate notarius quia premissis omnibus et singulis dum sic ut premittitur
agerentur et fierent vna cum prenominatis testibus presens interfui eaque omnia et singula sic fieri vidi et audiui ideoque hoc presens publicum instrumentum
manu mea propria scriptum exinde confeci et in hanc publicam formam redegi signoque et nomine meis solitis et consuetis signaui rogatus et requisitus
in fidem et testimonium omnium premissorum