Nos LEOPOLDVS GVILIELMVS Dei Gratia Archi=
Dux Austriæ, Dux Burgundiæ, Stiriæ, Carinthiæ, Carniolæ et Wirtembergæ, Generalis militiæ Hierosolymitanæ Ordinis B(eatæ) Mariæ Teutonicorum in
Prussia Administrator ac Eiusdem per Germaniam et Italiam partesq(ue) transmarinas Magnus Magister, Episcopus Argentinensis, Halberstadiensis, Passauiensis et Olomucensis, Abbatiarum Principalium Hersfeldensis, Murbacensis et Luderensis
Administrator, Comes Tyrolis et Goritiæ, Omnibus et Singulis præsentes literas lecturis aut visuris vel legi audituris gratiam Nostram et omne bonum, Retulit Nobis Venerabilis deuotus Nobis dilectus P(ater) Alexander Ginannius Præpositus Mo=
nasterij Sternbergensis Ord(inis) S(ancti) Augustini Canonicorum Regularium cum per obitum quondam Andreæ Orlick Præpositi dum viueret Monasterij Omnium Sanctorum in Suburbio Olomucensi Eiusdem Ord(inis) S(ancti) Augustini Diœcesis Nostræ Olomucensis, præfata Præposi=
tura vacare cœperit, quod Fratres Eius Monasterij vnà cum alijs Fratribus ex duobus Monasterijs Sternbergensi et Fulnecensi dicti Ordinis S(ancti) Augustini in Monasterio omnium Sanctorum et loco pro Electione constituto coram Commissarijs Nostris ad hunc actum
specialiter deputatis die secunda Martij præteriti Anni quadragesimi tertij se Alexandrum Ginannium in Præpositum Monasterij Omnium Sanctorum postulauerint, et Nos proinde submissè rogauit, vt hanc Postulationem authoritate Nostra Ordinaria confirmare
dignaremur, publicum Instrumentum Postulationis desuper in vidimata copia humiliter producens, Cuius tenor de verbo ad verbum sequitur: In nomine D(omi)ni amen, Per hoc publicum Instrumentum notum perspectumq(ue) quouis intersit sit Vniuersis, quòd Anno
1643. Dominica Quinquagesimæ die Secunda Martij S(ancti) D(omini) N(ostri) Domini Vrbani diuina prouidentia Papæ Octaui, Anno 19. R(euerendissi)mo in Christo Pater ac Dominus Fr(ater) Alexander Ginannius de Pisauro Præpositus Infulatus Sternbergensis, Senior autem professus in Monaste=
rio omnium Sanctorum Olomucij vnà cum alijs Fratribus ex tribus Monasterijs in Morauia ac Diœcesi Olomucensi sitis, ordinis Canonicorum Regularium S(ancti) Augustini nimirum ex eodem Olomucensi 2. R(euerendus) P(ater) Fr(ater) Rudolpho Pollinger Priore, 3. P(ater) Fr(ater) Bartholomæo Cramer
seniore Residente 4. P(ater) Fr(ater) Jeremia Ridiger, 5. P(ater) Fr(ater) Friderico Sagan, 6. P(ater) Fr(ater) Nicolao Turina, 7. P(ater) Fr(ater) Balthasaro Koro, 8. P(ater) Fr(ater) Paulo Mogdalio, Ex Sternbergensi 9. R(euerendus) P(ater) Fr(ater) Wenceslao Stephanidi Priore, 10. P(ater) Fr(ater) Jacobo Rzehak, 11. P(ater) Fr(ater) Martino Fischer, 12. P(ater) Fr(ater) Matthia
Vadouio, Ex Fulnecensi 13. R(euerendus) P(ater) Fr(ater) Georgio Wotffio Priore, 14. R(euerendus) P(ater) Fr(ater) Valentino Fabritio, 15. R(euerendus) P(ater) Fr(ater) Michaele Golusda, 16. R(euerendus) P(ater) Fr(ater) Laurentio Weis, 17. R(euerendus) P(ater) Fr(ater) Andrea Wloric, omnibus Presbyteris in Eccl(esi)a Omnium Sanctorum in SubVrbio Olomucensi coram Ill(ustrissi)mo ac R(euerendissi)mo D(omi)no
Sigismundo Miutini de Spilenberg Cath(edralis) Eccl(esi)æ Olomuc(ensis) Decano Custode et Seren(issimi) Episcopi Olomucensis Consiliario, et D(omi)no Claudio à Sorina Cath(edralis) Ecclesiæ Mantuanæ, ac Eiusdem Olomuc(ensis) ArchDiacono, et in hac Seniori Capitulari Canonico, tanquam Seren(issimi) et Reuer(endissimi)
Principis et Domini Domini Leopoldi Guilielmi ArchiDucis Austriæ, p(ro) t(empore) Ep(iscop)i Olomucen(sis) ad electionem Præpositi Eccl(esi)æ et Monasterij Omnium Sanctorum deputatis Commissarijs de qua Commissione constare asseuerauit per binas Suæ Serenitatis literas vnas ad Priorem
et Conuentum prædictum omnium Sanctorum alias ad Eosdem Dominos D(omi)num Decanum et ArchDiaconum Olomucen(ses) directas et prænominatis Septemdecim Patribus præuentis Sabbat(h)i die 1. Martij post Vesperas insinuatas et ab Eodem D(omi)no Præposito alta voce perlectas, ca
Cæteris Reuerentiæ Quersurto sub die 22. 7bris Anni 1641. et die 25 Januarij hoc anno datas quibus Sua Serenitas non modò memoratos D(omi)nos Decanum, et ArchDiaconum Olomucen(ses) in Commissarios verum etiam Ill(ustrissi)mum et R(euerendissi)mum D(omi)num Abbatem B(eatæ) Mariæ Ludouicum Marchionem Pallauicinum Comitem
Skopri et Suæ Ser(enita)tis intimum Consiliarium et Cubicularium vt in Præpositum postularetur nominabat, In mei Protonotarij Apostolici ac testium infrascriptorum præsentia hora 8. matutina congregati, In primis per R(euerendissi)mum Præpositum Sternbergensem Sacrum de Spiritu Sancto decantatum fuit,
Pro Antiphona ac Cæteris Patribus sub Eodem sacra facientibus, schola verò Sacro Præfecente attollito Eiusdem Sacræ Ordinis signum crucis et intonante D(omi)no Præposito Sternbergensi hymnum, Veni Creator Spiritus, processionaliter solauum in choro pro Electione deputatum quibus R(euerendissi)mi et Ill(ustrissi)mi DD(omini)
Commissarij Ep(iscop)alibus et me Protonotario ac testibus prouisum p(ro) dicto veluti decuit et consuetudine pro inuocatione Spiritus Sancti quilibet seorsum orauit, quo superius decantato sunt Patrum nomina conscripta, Præsentibus et præuenientibus ijdem DD(omini) Commissarij coram quibus R(euerendissi)mus D(omi)nus Præpositus Sternbergensis tanq(uam)
Administrator Mon(aster)ij omnium Sanctorum claues eccl(esi)æ Monasterij et administrationis deposuit vt eas post electionem traderent illi Cui Sua Ser(enita)s vel Ep(iscop)us censuerit se tradendas, Clauibus per DD(ominos) Commissarios acceptis et omnibus Patribus præfatis quiete considentibus coram me Protonotario ac tribus testib(us)
infrascriptis Dominus ArchDiaconus Claudius à Sorina hanc primo interposuit protestationem, nomine D(omi)ni Decani Collegam suum et Se Commissarios no(m)i(n)e Suæ Ser(enita)tis omnes quidem præsentes et supra nominatos Patres ex tribus Monasterijs cum hac disertis verbis expressa conditione
ad hanc Electionem seu Postulationem vt vota dare possint, admittere, si Ipsi Patres legitimè coram sua Serenitate ad quam vt Episcopum Olomucensem Electionis seu Postulationis confirmatio spectare dignoscitur, probauerint sibi omnibus Ipsis et Singulis competere Jus,
quo et Electioni interesse et votum dare debeant, videri enim duplici ratione, quòd ex Fulnecensis et Sternbergensis Monasteriorum professi Patres deberent excludi, cum Suæ Ser(enita)tis literas ad solum Priorem et Fratres Monasterij omnium Sanctorum Olomucensis tantum direxerit,
et præterea cum quolibet Monasterium habeat suum Caput Præpositum nuncupatum incondignum omninò et monstrum esse videatur, vt vnum corpus quod in actu electionis sese constituere Patres asseuerant, habeant tria capita et ea inter se distincta et diuersa, Nihilominus
si illud Jus sibi competere coram Ser(enita)te legitimè demonstrauerint, tunc Electio seu Postulatio mox facienda ritè et rectè facta, vbi nullum aliud Canonicum obstet impedimentum, censeatur et habeatur, si autem id minimè probauerint, tunc electio seu postulatio hæc inualida
et sit nulla, et nullum ex ea Jus cuiquam quæratur, quam protestationem et conditionem D(omi)nus Præpositus habita prius cum Omnibus Patribus Secreta deliberatione et consultatione, omnium Monasteriorum et fratrum præsentium nomine loquens et dicens, se ab immemorabili
tempore et continuo seruata consuetudine id demonstrare posse, seque sperare suam Serenitatem non fore contrariam, simpliciter admisit et vi eam purè cum rebus consensit, Secundò protestatus fuit D(omi)nus ArchDiaconus à Sorina nomine suo: Seren(issimi) ne vllus excommunicatus alijsue cen=
suris vel delicto aut Canonico aliquo impedimento laborans auderet huic Electioni aut Postulationi interesse talem enim nullum Jus habiturum, imò eius votum fore nullum, idcirco potius ex prius exiret qui sciret sibi non licere interesse, Interesse autem posse eiusdem Ordinis SubDiaconos et
Diaconos ad neutros ex informatione per D(omi)num Præpositum Sternbergensem data votum habituros aut daturos, Tertiò Idem Ill(ustrissi)mus ac R(euerendissi)mus D(omi)nus à Sorina dixit, quòd Dominus Ipsius Collega et Ipse nomine et authoritate suæ Serenitatis interdicant et inhibeant, ne vllus
electionem seu postulationem, vbi facta fuerit, promulgare audeat, et ne electus aut Postulatus quicunq(ue) fuerit, citius inthronisetur, quam suæ Serenitati ob reuerentiam Ipsi debitam innotescat Electio seu Postulatio et donec à Sua Seren(ita)te electus vel Postulatus confirma=
tionem acceperit, His protestationibus et Inhibitionibus factis admissis et acceptatis interrogante Domino à Sorina, quomodo vellent ad electionem procedere, vtrum per secretum Scrutinium an verò per schedas nihilominus statim comburendas, vt vota remaneant
secreta, D(omi)nus Præpositus Sternbergensis petita et obtenta à D(omi)nis Commissarijs facultate recedendi et consultandi reuersus gratiasq(ue) agens de modo proposito respondit, sese per acclamationem velle procedere, sed repugnantibus DD(ominis) Commissarijs, quippe qui neq(ue) modum acclamationis
proposuerant neq(ue) intersuerant secreto fratrum consultationi, neq(ue) sciebant quemnam cum illis deberent acclamare, cum tamen duo vota nomine Eiusdem dare possent, tandem Patres Electores cum iterum seorsim et secreto consultassent acquieuerunt modo proposito procedendi per Schedas in
quibus secreto scribent quisq(ue) cum libertate et pro suo libitu nomen Eius quem eligeret aut postularet, Atque ita quilibet à me Protonotario accepta Albi papyri Schedula in ea votum suum scripsit atq(ue) in Calicem, qui in mensa DD(ominorum) Commissariorum et Eorundem positus erat, iniecit et deposuit, His
itaq(ue) tam Patribus Electoribus quam Schedulis numeratis et perlectis repertus est postulatus Reuerendissimus votis D(omi)nus Præpositus Sternbergensis vnico Voto electus P(ater) Fr(ater) Wenceslaus duobus verò votis reiectis, quia vnus scripsit eligo et postulo alius autem proprium eligentis nomen expressit, sic ex Septa=
decim votis valida quatuordecim pro D(omi)no Sternbergensi Præposito postulato agnita sunt, Cui postulationi R(euerendissi)mus Postulatus cum hac conditione consensit, si Præposituram Sternbergensem quam per decennium possidet, simul cum Præpositura omnium Sanctorum retinendi dispensationem
et facultatem à Seren(issimo) ArchiDuce, veluti Ep(iscop)o Olomucensi, vel à Summo Pontifice, sacraq(ue) Sede Apostolica obtinuerit et hæc Postulatio à Suæ Seren(ita)ti Episcopo Olomucensi approbata fuerit, quem consensum, et Conditionatum DD(omini) Commissarij no(m)i(n)e Serenitatis admiserunt et insuper Eidem
D(omi)no Postulato claues administrationis Monasterij omnium Sanctorum tradiderunt vt in eiusdem administratione absq(ue) præiudicio suæ Postulationis ad ratificationem suæ Seren(ita)tis continuare possit, Postremò D(omi)nus Postulatus dicens sibi à Sua Sanct(ita)te et à Seren(ita)te Ep(iscop)o Olomucensi
indultum esse, vt ad triennium administraret Præposituram Fulnecensem, declarauit se erga Fratres Fulnecenses, quòd vbi effluxerit triennium, relinquet Ipsis eandem Præposituram seu administrationem Fulnecensem dimittere moderandam seu disponendam iuxta regulam Ordinis
Canonicorum regularium S(ancti) Augustini pro cuius restauratione illam susceperit cum illud Monasterium fuerit ob debita ruinæ proximum, Sic Postulationi huic recitando Te Deum laudamus in eodem hypocaucto quo altare erat erectum cum Crucifixi et S(ancti) Augustini imagine dua=
bus candelis accensis impositus fuit finis præsentibus admodum R(euerendo) P(atre) Fr(atre) Christophoro Inhof Ord(inis) Prædicatorum apud S(anctum) Michaelem Olomucij Priore et S(acræ) Theologiæ Lectore, admodum R(euerendo) P(atre) Fr(atre) Godefrido Lambroeck S(acræ) Theol(ogiæ) Baccalaureo Ord(inis) Minor(um) S(ancti) Francisci apud S(anctum) Jacobum Olomuc(ensi)
Guardiano, Admod(um) R(euerendo) P(atre) Fr(atre) Francisco Leone Ord(inis) Minor(um) S(ancti) Francisci ad S(anctum) Bernardinum Guardiano, In quorum omnium fidem rogauit me R(euerendissi)mus D(omi)nus Postulatus, vt de his vnum vel plura Instrumentum vel Instrumenta conficerem pro vt hoc feci et in publicam formam
redegi, Actum anno Mense, die Indictione 11. vt supra, Et quia Ego Melchior Franciscus Pollinger prothoNotarius Ap(osto)licus Cath(edralis) Eccl(esi)æ Olom(ucensis) Honoris Crucisus ac ibidem Parochus S(ancti) Mauritij vnà cum testibus suprascriptis interfui, ac sic vti scriptum fieri vidi, Ideò hoc publi=
cum Instrumentum licet aliena manu scriptum, propria manu subscripsi, et Sigillo Prothonotariatus mei muniui rogatus et requisitus, Idem qui Supra Melchior Franciscus Pollinger. Quamuis autem in hac Postulatione aliqui defectus interuenerit
propter quos Eius confirmationem non immerito possemus denegare, voluimus tamen ex innata nostra clementia, et Ipsius Postulati meritorum intuitu eos pro hac vice Supplere et memoratam Postulationem ratihabere, et confirmare, pro vt eam hisce authoritate Nostra
ordinaria benignè ratihabemus et confirmamus ac Reuerendo Reuerendo deuoto Nobis dilecto Casparo Lareæ de Rombstein Cath(edralis) Eccl(esi)æ Olomucen(sis) Officiali et Vicario Generali per præsentes clementer mandamus, vt supradictum Alexandrum Ginannium tanquam legi=
timè postulatum et confirmatum Præpositum Monasterij omnium Sanctorum, seruatis seruandis et præstitis præstandis iuxta antiquum morem per se aut alium Subdelegatum canonice instellet, Eidemq(ue) realem et actualem huius Præposituræ possessionem vnà cum
omnibus ei annexis Juribus redditibus et fructibus nostro nomine tradat et consignet, Harum testimonio literarum, manus nostræ subscriptione et Sigillo Nostro ArchiDucali munitarum; Dat(um) dabantur Lintzij xxi. Nouembris Anno M.D.C.XXXXIIII.
Joannes Kultschmit(h)
Ad Mandatum Seren(issimi) ac Reueren(dissimi) Domini
ArchiDucis Episcopi Olomucensis proprium