CAROLUS JULIUS ORLIK LIBER BARO DE LA
ZISCKA, CATHEDRALIS ECCLESIÆ OLOMUCENSIS PRIMUS PRÆLATUS,
ET DECANUS, EPISCOPATUS OLOMUCENSIS IN SPIRITUALIBUS ADMINISTRATOR, NECNON ORDINIS CANONICORUM REGULA-
larium S. Augustini per Moraviam Visitator
Universis & Singulis, quorum interest, Salutem in Domino Sempiternam.
Vacante per obitum quondam Admodum Reverendi Joannis Adami Jäger à Reuth Præpositurâ Monasterij Sternbergensis Canonicorum Regula
rium Ordinis Sancti Augustini, cujus Visitatio ad Nos tanquam Episcopatûs Olomucensis à Sua Sanctitate in Spiritualibus plenissimè Constitutum Administratorem & Visitatorem pertinere di
gnoscitur, Venerabiles, & Religiosi prædicti Ordinis, in hoc Marchionatu Moraviæ, Olomucensis, & Fulnecensis, necnon Ejusdem Sternbergensis Cœnobij Professi, cupientes Eidem Monasterio vacanti de alio Præpo
sito providere, nè diuturniore ejus vacatione, damna aliqua, & jacturas pateretur, juxtà Ordinis Sui Statuta, post præfixam à Nobis Electionis diem, ad præfatum solemnem actum, in præsentia Commissariorum Nostro
rum, Reverendissimi, & Illustrissimi Domini Guilielmi Adalberti S. R. I. Comitis de Kolowrat, Cathedralis Ecclesiæ Olomucensis Canonici, Suæ Serenitatis Episcopi Olomucensis Consiliarij, & Episcopalis Consistorij Assessoris, ac
Perillustris Domini Ferdinandi Ernesti Equitis de Lauenstein, altè dictæ Suæ Serenitatis Consiliarij, Consistorij Assessoris, & Notarij, necnon Feudorum Mandatarij, per Nos specialiter ad præsidendum eidem Actui deputatorum,
per formam Scrutinij processerunt, & tandem viginti novem, ac proindè pluribus, & sanioribus votis Venerabilem & Religiosum Fratrem, Ejusdem Monasterij Professum, Fridericum Carolum Mitschky (prout in Instrumento
Nobis exhibito latiùs patet) concorditer elegerunt, Eumque Electum Nobis, uti Episcopatûs Olomucensis in Spiritualibus Administratori & Visitatori, unà cum Electionis Processu, per Literas præsentarunt, demissè orantes, qua
tenùs Eundem, utpotè à majori parte, jus eligendi habentium, legitimè Electum, ad præfatam Præposituram Sternbergensem instituere, investire, ac confirmare benignè dignaremur. Nos itaque Electionis dictæ Processu inspecto,
& post accuratam discussionem animadvertentes, prædictos Fratres, & Confratres, conscientiosè, & legitimè in Actu isto processisse, nihilque pro futuro ejusdem Monasterij bono canonicè obstare, quò minùs Electa Persona suprà nomina
ta confirmari per Nos possit, ac valeat, æquis & honestis prædictorum Conventûs Sternbergensis Fratrum petitionibus benignè inclinati, tantò promptiùs ad Confirmationem Electi præstandam ferimur, quantò certiorem in spem
venimus, Illum non solùm vocationi Suæ Regulari, congruæ vitæ honestate pro Subjectorum exemplo, & ædificatione abundè responsurum, verum etiam rem familiarem, bonaque temporalia prædicti Monasterij fideliter, ac dili
genter, prout bonum Dispensatorem decet, administraturum & curaturum; Quemadmodum præmissorum intuitu, plenum jus administrandi, plenamque tam in Spiritualibus, quàm temporalibus regendi prædictum Monasterium,
& bona ipsius universa præceptâ priùs ab Illo Fidei Catholicæ Professione, & corporali juramento suprà Sancta DEI Evangelia, juxtà infràscriptam formulam (Eidem præsentium tenore concedentes, in Præpositum suprà
dicti Monasterij Sternbergensis in DEI Ter Optimi Maximi Nomine, Authoritate Nostrâ Ordinariâ, tanquam Episcopatûs Olomucensis in Spiritualibus Administrator, & Ordinis Canonicorum Regularium S. Augustini
per Moraviam Visitator, Eundem Electum instituimus, investimus, ac confirmamus, utque Illi non secus, ac vero Præposito à Fratribus Monasterij præfati, omnibusque Subditis debita reverentia, obedientia, & Subjectio
præstetur, volumus, & seriò injungimus, committentes Admodum Reverendo, Nobili, ac Eximio Domino Ambrosio Engelmann, Olomucij ad Omnes Sanctos Præposito, ut præfatum Fratrem Fridericum Carolum
Mitschky, à Nobis legitimè confirmatum, in realem, actualem, & corporalem dictæ Præposituræ Sternbergensis possessionem inducat, faciatque Illi de fructibus, & proventibus Ejusdem universis, locis, & temporibus
opportunis responderi. Forma autem Juramenti est talis. Ego Fridericus Carolus Mitschky, electus Præpositus Monasterij Sternbergensis, Vobis Reverendissimo, & Illustrissimo Domino Carolo Julio Or
lik Libero Baroni de Laziscka, Cathedralis Ecclesiæ Olomucensis in Spiritualibus Administratori, necnon Ordinis Canonicorum Regularium Sancti Augustini per Moraviam Visitatori, & Vestris Successoribus canonicè
intrantibus, veram, ac debitam obedientiam, & reverentiam sanctè spondeo, promittens Regulam & Statuta Ordinis mei, pro posse meo, quàm diligentissimè me semper observaturum, non ero in Consilio, vel facto, contrà Ve
stram Personam, neque Ecclesiam Olomucensem, & Consilia quæ Vobis, & Eidem Ecclesiæ contraria, fideliter revelabo, Consilium Vestrum nemini pandam, auxilium Vobis contra qualemcunque hominem quidpiam ten
tantem contrà Vos, Ecclesiamque Vobis commissam (salvo Ordine meo in his, quæ ad justam ipsius defensionem spectant) præstabo, & exhibebo, Villas, & possessiones Monasterij mei non vendam, non oppignorabo,
non distraham, nec aliô quovis titulô alienabo, nisi in Casibus à Jure permissis, & concessis, debito tamen in Canonibus præscriptô modô, quin potiùs neglecta restaurare, & alienata pro virili recuperare adnitar,
& studebo. Sic me DEUS adjuvet, & hæc Sancta Ejus Evangelia. In quorum omnium supradictorum fidem, & robur, hasce manu Nostrâ subscriptas, Sigillo Nostro majori communiri fecimus. Da
tæ Viennæ Austriæ, die decima tertia Mensis Februarij, Anno Millesimo Septingentesimo Tertio.
Carolus Julius Orlick L B de Laziscka Administ(rator)