In nomine domini amen Anno natiuitatis eiusdem millesimo quadringentesimo decimonono
Jndiccione duodecima die vero vltima mensis Julij hora vesperorum vel quasi pontificatus
sanctissimi in christo patris et domini nostri domini Martini diuina prouidencia pape quinti Anno ipsius secundo
In Cenobio seu monasterio sancte marie virginis in stuben ordinis canonicorum regularium
sancti Augustini olomucensis diocesis Jnmey notarij publici infrascripti testiumque subscriptorum
presencia Constituti personaliter venerabiles et religiosi viri domini fflorianus prepositus
prior et Johannes procurator tociusque conuentus monasterij supradicti parte abvna et honorabiles
viri dominus et magister Jessco de dubczan canonicus ecclesie olomucensis ac famosus vir Sseborius
armiger de dubczan eiusdem olomucensis diocesis solempniter prestiterunt pure et talem inter se cum bonis
ipsorum fecerunt realem et actualem permutacionem videlicet prefati domini prepositus et conuentus
de stuben cum curia alodiali molendino et quatuor curticulis pratis pascuis siluis nemoribus
riuis rubis toufis et roboribus ceterisque pertinencijs ac omni Jure et dominio prout ipsi te=
nuerunt et possiderunt in villa zerotyn dictis dominis magistro Jessconi et Sseborio in octo
laneis vna taberna ac parte rubeti et duabus curticulis quos et quas iusto et hereditario
titulo tenuerunt et possiderunt in villa chwalkowicz prope Eywanowicz eiusdem olomucensis diocesis
cum omnibus quibuscumque siluis pratis pascuis aquis ceterisque pertinencijs ac omni Jure
et dominio prout ipsi tenuerunt et possiderunt Condicionibus eciam infrascriptis obseruandis primo
quod ipsi domini prepositus et conuentus supradicti debent superaddere prefatis dominis magistro
Jessconi et Sseborio Centum viginti quatuor marcas cum quadraginta quatuor grossis numi
et pagamenti morauicalis videlicet pro qualibet marca sexaginta et quatuor grossos computando
Que quidem bona bona et sincera fide ipsi domini prepositus et conuentus ac magistro Jessco
et Sseborius emende promiserunt de tabulis hic districtus olomucensis extabulare prout
habent et ipsis mutuo inscribere et intabulare in primo foro vel foro inclusiue colloquio
duorum Jntraque alio se nullomodo dicta bona emendare intabulare siue fraudare possent
Jpsique dicti domini magister Jessco et Sseborius antedictis dominis preposito et conuentui de
dicta curia alodiali molendino et curticulis cum ipsorum pertinencijs debent cedere et con=
descendere eodem tempore quo se de eisdem intromiserunt videlicet in festo sancte Margarethe
Jsta tamen condicione adiecta quod ipsi magister Jessco et Sseborius dent et promiserunt
dictas centum viginti quatuor marcas cum quadraginta quatuor grossis prefatis dominis
preposito et conuentui infra medium annum restituere et reassignare paratis cum paratis
videlicet a festo sancte Margarethe in tempore computando et dictam curiam in zerotyn cum
grano vtroque videlicet yemali et estiuali ita super cultam et seminatam relinquere prout
in peruenerit et ut in recessione ipsorum plenius continetur Si vero agrum dicte curie incultum
vel de tenui exculti et seminati fuerint sic contrarium per proborum virorum arbitrio
promiserunt Jpsi vero domini prepositus et conuentus dent de dictis bonis ipsi magistro
Jessconi et Sseborio in villa chwalkowicz cedere et condescendere de octo marcis sex grossis
annui census in et super octo laneis taberna et duabus curticulis ac parte rubeti
et alias nouem marcas minus sex grossis debent tollere et percipere siue quolibet pedi=
mento quousque dicte centum viginti quatuor marce cum quadraginta quatuor grossis per
sepe dictos duos magistrum Jessconem et Sseborium dictis dominis preposito et conuentui
soluerunt plenarie et in toto Acta sunt hec anno Jndiccione die mense et hora
pontificatu et loco quibus supra presentibus honorabilibus et discretis viris dominis magistro
Stiborio de Radecz canonico olomucensi et domino Johanne de Radecz ecclesie sancti venceslai
ecclesie olomucensis resalibus ad premissa vocatis specialiter et rogatis Jn quorum omnium et
singulorum euidenciam et robur dicti domini prepositus et conuentus magistri Jessco
et Sseborius prefati sigilla sua presentibus appenderunt