Ego Carolus Josephus liber Baro de Gillern, Sacræ Cæsareæ Regiæqve Catholicæ Majestatis Cameræ Aulicæ
Consiliarius, Serenissimi Ducis Domini Domini Josephi Joannis Adami Principis, et Gubernatoris Domûs de Liechtenstein Consiliarius Auli
cus, Cancellariæ & Cassæ Director, Notum facio Universis, præsertim ijs, qvorum interest, aut in futurum qvomodolibet interesse potest, Qvòd maturius perpendens: qvaliter
nihil stabile sit sub Sole, sed nos Omnes ex Vita hac mortali qvasi Aqva dilabamur, et qvidem ad reddendas coram districto Judicio Divino Vitæ nostræ actæ Rationes exactissi
mas. Eapropter ad obtinendum justi Judicis DEI nostri favorem propitium eò magis animor, qvò minus Oculos ejusdem qvidqvam latere posse, mihi perspectum est.
De mortuis itaq(ue) jam jam dilectissimis Genitoribus meis, nec non fratre meo charissimo, perpetuam pro ijsdem, nec non memetipso, ac Sororibus meis, postqvàm Misericordiæ Divinæ
Nos ex Vita hac mortali evocare libuerit, cupiens ad Aras haberi memoriam, ad Ecclesiam Canonicorum Regularium lateranensium in Civitate Sternberg sitam pro annuè die vigesi
ma secundâ Mensis Aprilis decantando Solenni Sacro Anniversario, nec non Conductu, & duabus Missis lectis in perpetuam fundationem dono, et lego Tercentos florenos, ex qvorum An
nuo Censu præfatæ Ecclesiæ unus florenus, et triginta Cruciferi pro Candelis, triginta Cruciferi Ecclesiæ ministro, residuum verò Dominis Canonicis loci, et Musicis obveniat.
Nos igitur Patritius Meichsner Canonicorum Regularium Lateranensium Sternbergæ ad Divam Virginem Annunciatam Præpositus infulatus, SS(acrae) Theologiæ Doctor, et Marchionatûs
Moraviæ Prælatus, Petrus füssel Decanus, Godefridus Appel Senior, Joannes Glatzl Secretarius Nomine totius Capituli, intuentes Illustrissimi Domini D(omi)ni Baronis, tanqvam
amicissimi fautoris nostri piam exhibitam mentem, ipsius postulatis omnimodè inclinati, eaq(ue) devota et pia reputantes suprà scriptam fundationem Tercentorum florenorum, qvos
jam in parato suscepimus, in Nos, nostrosq(ue) Successores non modò assumimus, verùm etiam Nos, nostrosq(ue) Successores fide sacerdotali ad eandem juxta Intentionem supra exposita(m)
Illustrissimi Domini fundatoris acuratè persolvendam fideliter obligamus, et qvidem eousq(ue), qvousq(ue) sæpè tactum Capitale adhibitâ humanâ nostrâ diligentiâ conservatum fuerit,
Qvòd si enim per bella, hostiles Incursus, aliasq(ue) mala, qvæ Divina Providentia clementissimè avertere dignetur, freqventius rementionatum Capitale præter culpam nostram
deperdi deberet, Nos, vel Successores nostros ad fundationem hanc obligatos remanere Benevolentia, & Æqvitas Animi Illustrissimi Domini fundantis nullatenus concedet.
In qvorum Omnium inviolabile Robur præsens Instrumentum in duplo expeditum, atq(ue) Sygillis et Subscriptionibus ex parte utraq(ue) communitum fuit. Datæ, et
Scriptæ sunt Literæ hæ Sternbergæ in Canonia die Trigesima Julij Anno Millesimo Septingentesimo Trigesimo.
Patritius Præpositus
Petrus füssel Decanus m(anu) p(ropria)
Godefridus Appel Senior m(anu) p(ropria)
Joannes Glatzl Secretarius m(anu) p(ropria)
Nomine Totius Capituli.
Carolus Josephus l(iber) Baro de Gillern
Sacræ Cæsareæ Regiæqve Catholicæ
Majestatis Camera aulica Consiliarius m(anu) p(ropria)