Erbern vnd weisen lieben getrewen Wir lassen ewch wissen daz wir dem Edeln vns(er)m lieben getrewen
Ernsten von leskawicz vns(er)m haup(t)man ze Znoym die purkhut daselbs so jm von weihnnachten
nagst(er)gangen vncz her dicz gegenburtigen vierczigisten Jars gefallen sol noch nicht entricht
haben Emphelhn wir ew ernstleich vnd wellen daz jr jm die losung so jr vns zu sant Jorgen
tag nayst(er)gangen in vnser kunigkliche kamer zeraichen schuldig seit worden anvercziehen
aufrichtet vnd quitung von jm darvmb nemmet Wann so jr daz getan habt vnd vns mit
derselben quitung erweyset wellen wir ew dasselb gellt in ewr raittung legen vnd abzeziehen
schaffen daran begeet jr genczleich vnser maynung Geben ze Raab am Suntag vor gotzleich
nam tag Anno domini (et)c(etera) Quadragesimo